21 Nëntor 2019

Nisin projektet në vlerë prej 23 milionë euro

Mitrovicë, 28 maj - Një prej projekteve më të mëdha në sferën e investimeve kapitale në fushën e sportit pas luftës në Kosovë.

Kështu u vlerësua të hënën nisja e projektit për ndërtimin e Qendrës Multifunksionale, ndërtimit të Qendrës Komerciale si dhe rinovimit të palestrës së sportit “Minatori” në Mitrovicë, që financohen nga Komisioni Evropian (KE), Qeveria e Republikës së Kosovës dhe Komunës së  Mitrovicës në vlerë prej 23 milionë eurosh.

Kryeministri i Kosovës, Hashim Thaçi, i cili së bashku me kryetarin e komunës, Avni Kastrati, ministrin e Kulturës, Memli Krasniqi dhe shefin e operacioneve në zyrën e KE-së në Prishtinë, Crsitof Stock, vuri gurthemelin e këtyre projekteve, tha se kjo është një ditë e madhe për Mitrovicën dhe Kosovën në përgjithësi. 

“E kam përcjell nga afër angazhimin për fillimin e këtij projekti. Dua të falënderoj KE-në dhe  kryetarin e komunës, Avni Kastrati me bashkëpunëtorë për angazhimin e tyre në këtë drejtim”.

Thaçi tha se aty ku ka qeverisje të mirë do të ketë investime të fuqishme. “Është ndër  projektet më të mëdha që ka nisur në Kosovë pas luftës dhe nuk po ndodh rastësisht në Mitrovicë, i cili njihet si qytet i sportit”, tha ai.    

Ai shprehu besim të plotë se këto objekte do të ndikojnë në zhvillimin ekonomik të Mitrovicës dhe do të ndikojnë në integrimin e këtij qyteti. “Besojmë se këto objekte të reja do të shfrytëzohen nga qytetarët që jetojnë në të dy anët e qytetit duke  ndikuar në ofrimin e tyre”.

Shumë i lumtur me fillimin këtyre projekteve u shpreh, kryetari i komunës, Avni Kastrati. Tha se është një ditë që shënon  fillimin e një epoke të re për Mitrovicën.

Ai theksoi se pas dy vitesh qytetarët e Mitrovicës do të kenë në dispozicion hapësira moderne për aktivitete sportive, të cilat janë me standarde evropiane.

“Mundësitë që do të krijohen për të rinjtë tanë do të jenë të mëdha dhe ne presim që këto projekte të kenë edhe një ndikim të madh në zhvillimin ekonomik”.

Ndërsa, ministri, Memeli Krasniqi, ka thënë se këto nuk do të jenë projektet e fundit në Mitrovicë. “Ne kemi ndarë 8 milionë euro për këto projekte, mirëpo nuk  do ta ndalemi me kaq për këtë qytet që ka rrethana specifike”.

Kënaqësinë për fillimin e këtyre projekteve  e ka shprehur edhe shefi i  operacioneve në zyrën e KE-së në Prishtinë, Crsitof Stock. Ai tha se vendi ku kanë nisur këto projekte është shumë simbolik për të ardhmen e këtij qyteti.          

 

Kalendari

Ngjarjet e datës 21 nëntor 2019 - Institucioni i Avokatit të Popullit, me mbështetje të projektit të financuar nga Bashkimi Evropian organizon festimin e përvjetorit të 19-të Institucionit të Avokatit të Popullit. (Hotel Emerald, ora 9:30)

- Universiteti i Mitrovicës "Isa Boletini" organizon hapjen e Panairit te Parë të Punës dhe Karrierës. (Universiteti i Mitrovicës, ora 10:00)

- Me rastin e 23 vjetorit të vdekjes së Dr. Xhavit Ahmetit, anëtarit të Kryesisë dhe veprimtarit të LDK-së, Kryesia e LDK-së, bën homazhe te varri i tij. (Lagjja Arbëria, ora 10:30)

- Kosovo Center for Business Support organizon tryezën me temën “Si ti zëvenësojmë Qeset e Plastikës pa u dëmtuar Bizneset” dhe cilat hapa duhet t’i ndërmarrim lidhur me zbatimin e planit të MMPH-së për zvoglimin e përdorimit të qeseve të plastikës në Kosovë. (Hotel Sirius, ora 10:30)

- Banka Qendrore e Republikës së Kosovës organizon konferencë për media, ku temë do të jetë tarifat e vendosura nga kompanitë e sigurimeve. (Auditoriumi i BQK-së, ora 11:00)

- Lëvizja Vetëvendosje do të organizojë bashkëbisedim në mes të kryetarit të Lëvizjes Vetëvendosje, Albin Kurti dhe përfaqëuesve të sindilkatave në Kosovë, me titull: "Mbështetja e fuqizimit sindikal në vendin tonë". (Hotel Grand, ora 11:00)

- Organizata për Rritjen e Cilësisë në Arsim dhe ADMOVERE organizojnë aksionin protestues lidhur me vendimet e Këshillit të Etikës, për plagjiatura dhe avancime jo meritore në UP. (Para ndërtesës së Rektoratit të UP-së, ora 11:00)

- Ministria e Punëve të Jashtme të Republikës së Kosovës organizon konferencë me rastin e organizimit “Thirrja e Tretë për Projekte të Fondit të Ballkanit Perëndimor”. (Ministria e Punëve të Jashtme, ora 11:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen Velania.  (Lagjja Velania në parkun përballë SOS Fshatit, ora 12:00)

- Aleanca për Mbrojtjen e Teatrit nga Tirana do të mbaj një diskutim të hapur me komunitetin teatror, publikun dhe mediat e Kosovës. (Teatri Kombëtar i Kosovës, ora 12:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen Bregu i Diellit. (Parku afër SHFMU “Ismail Qemali”, ora 14:00)

- Shefja e BE-së në Kosovë, Ambasadorja Apostolova do të marrë pjesë në një debat për dhunën në familje në Mitrovicë të Veriut. (Shtëpia e Evropës në Mitrovicë të Veriut, ora 14:00)

- Në kuadër të Javës Ndërkombëtare të Edukimit Amerikan, American Advising Center Education USA, organizon “Alumni Fair - Panairi i të diplomuarëve në SHBA”. (Fakulteti i Edukimit në Universitetin e Prishtinës “Hasan Prishtina”, ora 14:30)

- Programi i Kombeve të Bashkuara për Zhvillim dhe komuna e Gjakovës do të shënojnë përfundimin e punimeve në rehabilitimin dhe rregullimin e Urës së Terzive dhe hapësirës përreth. (Pranë Urës së Terezive në Gjakovë, ora 16:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen e Spitalit". (Afër SHFMU “Pavarësia”, ora 16:00)

- Qendra Kosovare për Studime Gjinore organizon panelin e diskutimit “Balancimi mes punës dhe jetës dhe leja prindërore”. (Restoran Tartine Deli, ora 16:00)

- Në kuadër të Global Entrepreneurship Week, do të mbahet ngjarja “Are you a Champion of Success?” organizuar nga Ardian Hoxha dhe Oda Amerikane e Kosovës në bashkëpunim me ICK, Venture UP dhe Jakova Innovation Center. (Swiss Diamond, ora 17:00)