09 Shkurt 2023

Turqia synon dy herë më shumë turistë në vitin 2021

Ankara, 17 mars - Numri i të huajve që vizitojnë Turqinë do të dyfishohet në vitin 2021 krahasuar me vitin e kaluar.

"Vendi pritet të presë 34 milionë vizitorë të huaj këtë vit", tha për AA zëvendës-ministri i Kulturës dhe Turizmit, Nadir Alpaslan.

Në vazhdën e pandemisë së koronavirusit të ri (COVID-19), Turqia prezantoi programin e saj të Certifikimit të Turizmit të Sigurt, i cili, sipas Alpaslan, i dha asaj një epërsi mbi vendet e Evropës Jugore.

Sektori i turizmit i Turqisë ka pasur një vit të jashtëzakonshëm në vitin 2019, duke mirëpritur 52 milionë turistë dhe duke fituar rreth 35 miliardë dollarë, tha ai.

"Ndonëse priste të ardhura prej 40 miliardë dollarë vitin e kaluar, sektori i turizmit ishte një nga sektorët më të prekur nga pandemia", theksoi Alpaslan.

Në vitin 2020, sektori i turizmit turk mbylli vitin me një humbje prej 65 për qind.

Ai tha se efektet e pandemisë vazhdojnë në vitin 2021, megjithëse të gjitha masat e nevojshme janë marrë në Turqi për të ofruar sigurinë e vizitorëve të huaj.

Masat për të frenuar përhapjen e COVID-19, të tilla si bllokimet dhe ndalimet e udhëtimit, prekën disa aktivitete ekonomike në të gjithë botën, veçanërisht turizmin, sektorët e udhëtimit dhe të prodhimit.

 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)