07 Shkurt 2023

Spanja përgatitet për sezonin turistik

Madrid, 31 maj - Në Spanjë, ku 14 për qind e ekonomisë varet nga turizmi, pritshmëritë janë veçanërisht të larta.

Si shumë destinacione turistike në të gjithë Mesdheun, industria e turizmit në Spanjë është në gjendje të vështirë. Vala më e rëndë e kërcënimit nga koronavirusi duket se ka kaluar, dhe për shumë njerëz përgjatë bregdetit spanjoll, njoftimi nga Kryeministri i Spanjës, Pedro Sánchez për rihapje ishte një lajm i shumëpritur.

"Që nga muaji korrik, hyrja e turistëve të huaj në Spanjë do të rinisë me kushtet e nevojshme të sigurisë."

Kosta Brava në Mesdhe është një nga destinacionet më të njohura të turizmit në Spanjë. Lloret de Mar në Kataloni pret një milion turistë në vit.
Jaume Dulsat, kryebashkiak i Lloret de Marit.

"Njoftimi i qeverisë për lejimin e tursitëve nga korriku është një lajm tepër i mirë për destinacionet turistike si Lloret de Mari", tha Jaume Dulsat, kryebashkiak i Lloret de Marit.

Si në vendet e tjera, edhe në këtë zonë autoritetet do të marrin masa për të shmangur infeksionet e mundshme dhe për të siguruar që pushuesit të jenë të shëndetshëm dhe të lumtur.

"Ne vendosëm ta ndajmë plazhin në tre zona: një për familje me fëmijë, një për njerëz të moshuar me qasje të lehtë dhe një tjetër për çifte ose grupe miqsh", tha zoti Dulsat.

Për shkak se sezoni do të fillojë me vonesë, për shumë biznese të ardhurat nuk do të jenë të mira. Disa banorë nuk janë shumë optimistë.

"Do të kemi shumë humbje në biznes, vende pune dhe para", thotë Jose Luis Bueno, banor i Lloret de Marit.

Ky rajon do të jetë në konkurrencë për turistët me Greqinë, Francën dhe pjesët e tjera të Spanjës. Të gjithë po punojnë shumë për të tërhequr turistë që duan të kalojnë pushimet në Mesdhe pas masave të ashpra kufizuese për koronavirusin.
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)