07 Dhjetor 2021

Shqipëria mbetet një ndër destinacionet e preferuar të turistëve të huaj

Tiranë, 6 shtator - Shqipëria vijon të mbetet një ndër destinacionet e preferuar të turistëve të huaj si dhe një ndër referencat e vlogeve të huaj më të njohur të turizmit për tu vizituar në çdo stinë të vitit.

Kryeministri Edi Rama ndau pasditen e sotme reportazhin e vlogut suedez Joyous Travel, ku tregohen 10 destinacionet turistike që turistët e huaj duhet të vizitojnë në Shqipëri.

“Nëse ju pëlqen të vizitoni një vend të ri, atëherë është koha të njihni Shqipërinë. Shqipëria është kthyer në një destinacion që s’duhet humbur. Shqipëria ka bukuri natyrore dhe kulturore që tani ju mund t’i shihni vetë”, nis reportazhi i vlogut suedez.

Për ata që duhet të vizitojnë Shqipërinë vlogu sudez Joyous Travel ka përgatitur një listë me 10 vende që duhen parë:

Tirana

Në qendër të Tiranës mund të shohim sheshin “Skënderbej”, Kullën e Sahatit dhe xhaminë e Namazgjasë, të gjithë elemente me rëndësi për shqiptarët. Diçka shumë interesante për Shqipërinë, është fakti që ka shumë bunkerë, të ndërtuar për të mbrojtur anëtarët e qeverisë së regjimit komunist. Sot, shumë prej bunkerëve janë kthyer në muze apo ekspozita. Ky qytet ka bunkerët më të mëdha: BunkArt 2, prej 3 kilometrash dhoma e tunele nëntokësore me kate. Muzeu Historik Kombëtar është një tjetër vend historik që duhet vizituar në Tiranë. Është muzeu më i madh e më i rëndësishëm në vend, me shumë pavijone që tregojnë të shkuarën në mënyrë kronologjike. Pavijoni i Antikitetit është i mahnitshëm, me shumë objekte parahistorike dhe një kokë njeriu prej guri, ndërmjet figurave të tjera, që tregon aspektin antropomorfik të njeriut në atë kohë.

Kruja

Shumë afër Tiranës, Kruja është një vend që duhet vizituar nga të gjithë ata që shkojnë në Shqipëri për herë të parë. Kruja është shtëpia e Muzeut Etnografik Kombëtar, por njihet më shumë për faktin se aty gjendet dhe Muzeu i Skënderbeut. Muzeu që ndodhet në Kalanë e Krujës është një nga atraksionet turistike më të rëndësishme e të famshme të vendit. Nga kjo fortesë, Heroi Kombëtar i Shqipërisë, Gjergj Kastriot Skënderbeu mbrojti vendin nga pushtimi osman për një periudhë prej tre dekadash. Kalaja gjithashtu ofron pamje të mahnitshme të detit Adriatik. Parku Kombëtar Qafë-Shtamë dhe varri i Sari Salltikut janë po ashtu afër Krujës.

Butrinti

Në Shqipëri do të gjeni dhe një qytet antik të quajtur Qyteti i Butrintit. Ky është një sit i Trashëgimisë Botërore i njohur nga UNESCO dhe ka një histori 3000-vjeçare. Është një nga qendrat arkeologjike më të rëndësishme në vend. Këtu do të shihni mbetjet arkeologjike të qytetërimeve të Greqisë së Lashtë, Romës, Biznatit dhe Venedikut. Nuk është vetëm një sit i rëndësishëm arkeologjik, por është dhe një park natyror me shumë peizazhe dhe një mjedis natyror tërheqës. Kjo është arsyeja pse është siti më i rekomanduar si atraksion turistik.

Berat

Berati quhet qyteti i dritareve. Ky qytet po ashtu është shpallur një sit i Trashëgimisë Botërore nga UNESCO dhe është afër kryeqytetit, vetëm 2 orë larg. Pse do t’ju pëlqente kaq shumë? Vetë qyteti është një muze i madh, me mbi 2000 vjet histori dhe shumë monumente për t’u vizituar. Qyteti ka një pamje mjaft interesante veçanërisht sa i përket arkitekturës dhe ndërtimit. Këtu mund të vizitoni Kalanë e Beratit, me fortesën e famshme, tempujt dhe Muzeun e famshëm Onufri.

Dajti

Ky mal gjendet në lindje të Tiranës dhe është Park Kombëtar Natyror. Me 1613 metra mbi nivelin e detit është një nga destinacionet më të kërkuara nga vendasit dhe turistët, sidomos në muajt e dimrit. Ju rekomandojmë të bëni një udhëtim me teleferik, nga ku mund t’ju shpaloset një pamje e mrekullueshme e qytetit. Pasi të keni arritur në mal, do të mund të ecni nëpër pyll. Rrugët janë të shënjuara shumë mirë dhe nuk janë të gjata. Nëse jeni të uritur, keni mundësi t’i drejtoheni njërit nga shumë restorante përreth. Provoni një pjatë tradicionale, në mënyrë që të shijoni gastronominë vendase. Byreku i famshëm me djathë dhe spinaq dhe qoftet e zgarës janë të mrekullueshme.

Gjirokastra

Qyteti i gurtë, një tjetër sit i njohur nga UNESCO si Trashëgimi Botërore. Në këtë qytet arkitektura është tradicionale osmane. E quajnë qyteti i gurtë sepse të gjitha rrugët janë të veshura me kalldrëm, në mënyrë mahnitëse, pra, vishni këpucë të rehatshme, sepse qyteti është mjaft tërheqës e ia vlen të vizitohet. Gjëja që do bëni më shumë është të ecni, meqë rrugët të tërheqin vëmendjen kaq shumë. Shkoni e shijoni pamjen e shtëpive tradicionale, si dhe një kala që ka emrin e qytetit. Është kalaja më e madhe në Shqipëri. Nëse ju pëlqen natyra, duhet të vizitoni monumentin natyror të quajtur Syri i Kaltër, për të cilin do flasim pas pak.

Syri i Kaltër

Një burim uji, një fenomen natyror, afër Muzinës në bashkinë e Finiqit, në jug të Shqipërisë. Është një atraksion turistik i famshëm. Uji është i qartë e i kaltër dhe është më shumë se 50 m i thellë. Kur arrin atje, ka një ballkon të vogël metalik nga ku mund të shohësh burimin. Uji është aq i pastër sa pothuajse e sheh fundin. Nëse ju merr uria, mund të shkoni në kafenetë dhe restorantet aty afër, të cilat janë krijuar për turistët dhe janë shumë të këndshme.

Apolonia

Parku Kombëtar Arkeologjik, ku gjendet dhe edhe një muze tjetër arkeologjik. Është tetë kilometra nga qyteti i Fierit, në perëndim të tij. Aty mund të shini rrënojat e shtëpive të vjetra, puseve, shatërvanëve, themelet e një dyqani antik artizanal, teatrin, tempullin e një perëndeshe dhe një statujë romake të zbuluar në 2010. Në muze gjenden mbetje të objekteve të zbuluara gjatë gërmimeve. Ka pjata, bizhuteri, vegla, elemente arkitekturore dhe skulptura antike.

Alpet

Malet e Alpeve Shqiptare janë shumë të famshme. Peizazhet janë mbresëlënëse. Ne ju rekomandojmë Luginën e Valbonës, ku ju sugjerojmë të vizitoni Shpellën e Dragobisë. Është një vend shumë i famshëm që mban eshtrat e një heroi kombëtar. Mund të vizitoni dhe Parkun Kombëtar të Thethit, që është 30 minuta larg nga fshati me të njëjtin emër. Njerëzit e konsiderojnë një nga rrugët më të bukura dhe një vend fantastik për të parë perëndimin e diellit në vjeshtë.

Ksamil

Bukuritë natyrore të Shqipërisë janë vërtetë mbresëlënëse dhe ecja përgjatë ujit të kristaltë apo banjo dielli në plazhet e Shqipërisë nuk krahasohen me asgjë. Edhe pse i gjithë bregdeti shqiptar ka plazhe të mrekullueshme, pjesa e bregut që laget nga deti Jon është ‘fajtor’ për faktin që kaq shumë turistë bien në dashuri me këtë vend. Kjo zonë njihet si Riviera Shqiptare dhe aty do gjeni plazhin e Ksamilit. Ksamili nuk ka të sharë. Uji i kaltër i kalon pritshmëritë. Është një nga plazhet më të famshme e më të kërkuara në Shqipëri e megjithatë është aq i madh, saqë nuk do të ndiheni të rrethuar nga ai numër i madh turistësh që e vizitojnë, jo vetëm gjatë sezonit turistik. Ndodhet në qytetin me të njëjtin emër. Qyteti ka shumë vende të këndshme e të rehatshme për të qëndruar, si dhe dyqane e restorante.

Kalendari

Ngjarjet e datës 7 dhjetor 2021

- Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)
 

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)