27 Janar 2023

Sezoni i turizmit në vitin 2020 në Itali është tërësisht i humbur

Romë, 14 maj - Sezoni i turizmit në vitin 2020 në Itali është tërësisht i humbur si pasojë e pandemisë së koronavirusit që ka kapluar tërë globin, tha Konfederata Italiane e Tregtisë (Confcommercio).

Sipas agjencisë italiane të lajmeve ANSA, zyrtarët e Confcommercio-s kanë informuar Komisionin Industrial të Senatit në lidhje me sezonin e turizmit në vend.

"Sezoni i turizmit do të jetë tërëisht i humbur", kanë thënë zyrtarët në takimin e komisionit, duke shtuar se edhe pas heqjes së gjendjes së emergjencës, hotelet prapëseprapë nuk do të mund të mbushen.

Zyrtarët kanë thënë se humbjet në sektorin e turizmit deri në fund të vitit mund të shkojnë deri në 120 miliardë euro.

Po ashtu, ata janë shprehur se këtë vit në pushime do të kenë mundësi të shkojnë vetëm 20 për qind e italianëve, duke përjashtuar ata që kanë shtëpi të dytë për pushime.

Ndërkohë, mediat raportuan se përmes një pakete inkurajuese të cilën qeveria do ta shpalos sot nën emrin "rifillimi", familjeve do t'u ndahen nga 500 euro në përpjekje për ta gjallëruar turizmin e brendshëm.

Sektori i turizmit, me komponentët e tij direktë dhe indirektë, përbën 13 për qind të prodhimit të brendshëm bruto të Italisë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni. 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)