03 Tetor 2022

Numri i turistëve në Spanjë më i ulët për 83 për qind

Madrid, 3 tetor - Si një nga tre destinacionet turistike më tërheqëse në botë, Spanja regjistroi një rënie prej 83 për qind të numrit të turistëve për shkak të pandemisë së koronavirusit.

Zyra Spanjolle e Statistikave (INE) në raportin e muajit gusht theksoi se vendi po regjistron gjithashtu një rënie prej 85 për qind të të ardhurave nga turizmi krahasuar me verën e kaluar.

Në gusht të këtij viti, Spanja u vizitua nga 2,44 milionë turistë, kurse në gusht të vitit të kaluar, ky numër ishte 10,12 milion.

Që nga fillimi i vitit, 15,7 milionë turistë kanë vizituar Spanjën, kurse në të njëjtën periudhë gjatë vitit të kaluar ky vend u vizitua nga 58,2 milionë turistë. Të ardhurat e turizmit ranë për 73 për qind.

Organizata Exceltur, e cila bashkon punëtorët e turizmit në Spanjë, vlerëson se ndikimi i pandemisë në turizmin spanjoll mund të arrijë deri në 100 miliardë euro deri në fund të vitit.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni. 

Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)