19 Qershor 2021

Largohen mbi 300 thasë dhe 4 kamionë me mbeturina në Brezovicë

Brezovicë, 22 maj - Sot ka filluar aksioni “Ta Pastrojmë Brezovicën”, ku u larguan më shumë se 300 thasë si dhe 4 kamionë me mbeturina të përziera.

Ne këtë aksion kanë qenë pjesëmarrës rreth 100 vullnetarë nga të gjitha grupmoshat. Vlen të përmendet se pjesë e aksionit ishin edhe banorët lokal nga të gjitha komunitetet si dhe punëtorë nga bizneset lokale.

Aksioni për pastrimin e Brezovicës do të vazhdojë edhe nesër për shkak të sasisë së madhe të mbeturinave, ky aksion do të realizohet vullnetarisht me makineri nga kompani private.

Let’s Do It është jashtëzakonisht e shqetësuar nga ndotja e madhe me mbeturina në Brezovicë, një nga atraksionet turstike më mëdha dhe të bukura në vend. Është urgjente që isntitucionet përgjegjëse të trajtojnë shumë më seriozisht këtë zone dhe mirëmbajta e hapësirave të saj të shndërrohet në prioritet.

Let’s Do It u bënë thirrje edhe qytetarëve që të jenë shumë të përgjegjshëm dhe të ndryshojnë sjelljen e tyre të gabuar karshi mjedisit.

Mjedisi është shtëpia jonë e përbashkët, ta ruajmë atë për veten, familjen, shtetin dhe gjeneratat që do të vijnë.

Aktivitetet për eliminimin e deponive ilegale të mbeturinave do të vazhdojnë edhe gjatë javëve dhe muajve në vazhdim derisa të arrihet një zgjidhje afatgjate.

Kalendari

Ngjarjet e datës 19 Qershor 2021 - Pishina e Gërmisë hap dyert për sezonin veror 2021. (Gërmia, Prishtinë, ora 10:00)    

- Qendra Kosovare për Rehabilitimin e të Mbijetuarve të Torturës (QKRMT) dhe forumZFD promovojnë librin “Përtej dhimbjes, drejt guximit: Rrëfime për traumën e dhunës seksuale në luftë”. (Biblioteka Kombëtare, ora 11:00)

- Komisioni Qendror i Zgjedhjeve mban mbledhjen e radhës në të cilen do të shqyrtojë dhe miratojë rekomandimit për caktimin lartësisë së Shpenzimeve të Fushatës për zgjedhjet lokale 2021. (Selia e KQZ-së, ora 11:00)

- Kryetari i LDK-së, Lumir Abdixhiku, bën homazhe te varri i veprimtares Nekibe Kelmendi, në 10 vjetorin e vdekjes. (Varri i Nekibe Kelmendi, ora 12:00)

- Komuna e Mitrovicës do të bejë përurimin e rrugës së asfaltuar në fshatin Kovaqicë të Shalës së Bajgores. (Fshati Kovaqicë, ora 14:00)