03 Tetor 2022

Komuna e Prizrenit përuron projektin 'Shenjëzimi i 10 shtigjeve të ecjes'

Prizren, 27 shtator - Komuna e Prizenit ka bërë të ditur se për nder të Ditës Botërore të Turizmit, nën organizimin e Drejtorisë së Turizmit dhe Zhvillimit Ekonomik do të bëjë përurimin e projektit “Shenjëzimi i 10 shtigjeve të ecjes”, projekt i bashkëfinancuar nga Bashkimi Evropian.

Po ashtu, edhe në këtë aktivitet të pranishëm do të jenë kryetari Haskuka, kryetarja e Kuvendit të Kosovës, Vjosa Osmani dhe përfaqësuesit e misioneve të huaja në Kosovë.

Ky aktivitet do të mbahet në afërsi të fshatit Mushnikovë afër Hotel Gold, ndërkaq për shkak të distancës nga qyteti, për këtë aktivitet do të ketë transport të organizuar nga ana e Komunës.  

Në të njejtën ditë në shënjë solidarizimi dhe vetëdijesimit të nga kanceri i gjirit Komuna e Prizrenit mbeshtetë aktivitetin “Race for the Cure” të organizuar nga OJQ “Renesansa”.

Në këtë aktivitet do të bëhet ecja dhe vrapim së bashku me qytetarët për t'i dhënë mbështetje të gjithë personave që kanë luftuar më sëmundjen e kancerit të gjirit.

Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)