07 Shkurt 2023

Kërkohet anulimi i vendimit të Prokurorisë për ndalimin e qarkullimit në rrugën Pejë-Rugovë

Pejë, 21 korrik - Sot, banorët e 14 fshatrave të Rugovës të përkrahur edhe nga shoqëria civile në komunën e Pejës kanë mbajtur një konferencë për shtyp në afërsi të pikës së kontrollit policor (Te Patriarkana) në hyrje të Rugovës, lidhur me veprimet e fundit të ndërmarra nga ana e policisë për të ndaluar qarkullimin e kamionëve me materiale ndërtimore duke ndaluar kështu edhe ndërtimet të cilat po bëhen nga banorët në zonën e Rugovës.

Në këtë konferencë të përbashkët, përfaqësuesit e fshatrave të zonës dhe shoqëria civile kanë shprehur pakënaqësitë e tyre dhe njëkohësisht kanë kërkuar pezullimin e menjëhershëm të vendimit për ndalimin e ndërtimeve dhe qarkullimin e mallrave ndërtimore në këtë zonë deri në përfundimin e procedurave të cilat janë iniciuar kohë më parë nga  komuniteti i kësaj ane në Ministrinë e Mjedisit për plotësim-ndryshimin e ligjit të tanishëm për “Parkun Kombëtar”.

Ata kanë kundërshtuar fuqishëm çdo aktivitet të policisë dhe prokurorisë që ka të bëjë me ndalimin e qarkullimit të lirë të mallrave dhe qytetarëve në rrugën Pejë-Rugovë, të cilat janë në kundërshtim të plotë edhe më liritë dhe të drejtat për qarkullim të lirë të njerëzve e mallrave.

Ata kanë vlerësuar bashkërisht se këto vendime dhe veprime të ndërmarra dje, e hënë, në zonën e Rugovës nga ana e qeverisë lokale e qendrore, prokurorisë dhe policisë pa u konsultuar apo informuar paraprakisht komuniteti, janë të pamatura dhe tendencioze dhe si të tilla do të krijojnë një situatë të rrezikshme në këtë kohë pandemie.

Po ashtu është theksuar se ata si qytetarë dhe përfaqësues të komunitetit të Rugovës nuk do të marrim përsipër pasojat e mëtejshme që mund të prodhojë ky vendim.

Këta përfaqësues kanë paralajmëruar se në rast se kërkesat e tyre nuk merren parasysh nga ana e institucioneve të lartcekura në një afat kohorë prej 48 orësh, atëherë ata do të janë të detyruar të ndërmarrin veprime tjera demokratike, siç janë organizimi i protestave. Ata theksuan se nuk do të dëshironin aspak t’i organizonin këto protesta duke ditur rrezikun e shëndetit të qytetarëve nga pandemia COVID-19, megjithatë nënvizuan se do t’i organizojnë ato po që se do të detyrohen për një gjë të tillë.
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)