09 Shkurt 2023

Gjermania do të heqë ndalimin e turizmit në Europë

Berlin, 4 qershor - Qeveria gjermane planifikon të heqë ndalimin e turizmit në vendet europiane që nga 15 qershori, por do të vazhdojë të paralajmërojë kundër turizmit në disa vende, si Britania, nëse rregullat e karantinës atje janë ende në fuqi.

Në mars, Gjermania shpalli paralajmërimin kundër turizmit të panevojshëm jashtë vendit.

Ministri i Jashtëm Heiko Maas u shpreh se ky paralajmërim do të zëvendësohet nga këshilla më të zakonshme turistike, nëse nuk ka më ndalim hyrjeje dhe kufizim në përmasa të mëdha në vendet përkatëse.

Ai tha se të gjitha vendet, përveç Norvegjisë dhe Spanjës, ku kufizimet për hyrje priten të zgjasin më shumë, tani i plotësojnë këto kushte.

Maas shtoi se këshillat e reja turistike nuk janë "ftesë" për turizëm dhe në disa raste mund të këshillohet kundër turizmit.

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)