03 Shkurt 2023

Arabia Saudite do të pranojë turistë nga muaji gusht

Riad, 30 korrik - Arabia Saudite ka njoftuar se duke filluar nga muaji gusht do të lejojë hyrjen e personave me viza turistike në vend, pas një pauze një e gjysmë vjeçare për shkak të pandemisë së koronavirusit.

Në lajmin e agjencisë zyrtaret të Arabisë Saudite (SPA) thuhet se "Ministria e Turizmit, vendosi që duke filluar nga fillimi i muajit gusht të vitit 2021, t'i hapë dyert e mbretërisë për turistët dhe liberalizimi e hyrjeve për mbajtësit e vizave turistike".

Në lajm thuhet se mbajtësit e vizave turistike mund të hyjnë në vend pa karantinë të detyruar, me kusht që të jenë të vaksinuar kundër COVID-19, të tregojnë një certifikatë zyrtare të vaksinimit ose të kenë një test PCR.

Arabia Saudite ndalesën për turistët e filloi në shtator të vitit 2020 në kuadër të masave kundër COVID-19.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)