25 Tetor 2021

Zhbllokohen lëngjet "Nectar"

Prizren, 7 shkurt - Zyra për media e kompanisë “Prizren Commerce” ka bërë të ditur se pas një muaji ndalesë, lejohet shitja e lengjeve të prodhuara në Serbi, të cilat ishin konsideruara si të dyshimta.

 

"Javën që lamë pas ne Kosovë kanë hy një sasi e lëngjeve Nectar dhe po vazhdon me ritem shume te mire shitja e tyre", thuhet në njoftimin e kësaj kompanie.

Më 28 dhjetor të vitit të kaluar Inspektorati Sanitar i Kosovës, me një urdhëresë, pati ndaluar shitjen e lëngjeve të prodhuara në Serbi të firmave "Nectar", "Takovo" etj.

"Analizat e këtyre produkteve ushqimore-lëngje ishin bërë nga Instituti Kombëtar i Shëndetesisë Publike të Kosovës, me ç'rast disa nga këto produkte nuk përputheshin me deklaracionin, por importuesit e këtyre lëngjeve e shfrytëzuan të drejtën e tyre për të bërë super-analizën e këtyre lëngjeve jashtë Kosovës, që ishte dërguar në Agjencinë e Ushqimit dhe të Veterinës në Shkup dhe Shqipëri dhe ku rezultatin se ishin të gjitha në rregull dhe në përputhshmëri me deklaracionin", thuhet në njoftim.
 
Sipas kompanisë “Prizren Commerce”  me 22 Janar, Inspektorati Sanitar i Kosovës i ka urdhëruar të gjithë inspektoratet komunale që të lejoi shitjen e produkteve lëngje të të gjitha llojeve të firmës prodhuese "Nektar".

Pronarët e firmës importuese "Prizren Commerce"  shprehën paknaqesinë e tyre me veprimin e nxituara te institucioneve kosovare që i ka dëmtuar.

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)