04 Shkurt 2023

Tregu i punës i pabarabartë në mes të burrave dhe grave

Prishtinë, 23 mars - Forumi Ekonomik i Grave (WEF) në bashkëpunim me Friedrich Ebert Stiftung (FES) dhe Iniciativa për Stabilitet në Kosovë (IKS) organizon diskutim për Ligjin e Punës.

Ky diskutim do të përqendrohet në Ligjin e punës, me fokus në dispozitat të cilat rregullojnë lejen e lehonisë dhe lejen prindërore, për të punësuarit.

Forumi Ekonomik i Grave dhe organizata të tjera të shoqërisë civile janë të mendimit se ekzistojnë pabarazi në mes të burrave dhe grave në tregun e punës të cilat janë krijuar si pasojë e zbrazësirave ligjore.

Lidhur me këtë WEF ka hartuar një dokument të shkurtër nëpërmjet të cilit do të prezantojmë gjendjen aktuale dhe propozimet tona në formë të rekomandimeve për politikëbërësit për mënyrën e rregullimit të lejes së lehonisë dhe lejes  prindërore të integruar në këtë dispozitë, me të cilat do të ndikonim pozitivisht  në uljen e diskriminimit ndaj grave në punësim dhe në vendin e punës.

"Më konkretisht, ne kërkojmë fuqishëm edhe përfshirjen e lejes prindërore në Ligj. Dhënia e mundësisë që burrat të marrin lejen prindërore (e cila nuk mund t'u transferohet grave), do të çojë në diskriminim të zvogëluar nga ana e bizneseve drejt punësimit të grave."

"Ne besojmë se këto rekomandime do të krijojnë mundësi të barabarta në tregun e punës siç e parasheh Ligji për Barazi Gjinore", thekson WEF.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)