19 Qershor 2021

Tregu i automjeteve në BE shënon rritje për 218 për qind

Bruksel, 20 maj - Shoqata Evropiane e Prodhuesve të Automjeteve (ACEA) ka bërë te ditur se tregu i automjeteve të pasagjerëve në Bashkimin Evropian shënoi rritje me 218.6 për qind në prill krahasuar me të njëjtin muaj të vitit të kaluar.

Pavarësisht kësaj rritjeje të madhe të përqindjes, vëllimi i shitjeve të muajit të kaluar ishte pothuajse 300 mijë njësi më i ulët se ai i regjistruar në prill 2019, thuhet në deklaratën ACEA-s.

Regjistrimet e automjeteve në të gjithë bllokun me 27 anëtarë ishin në 862.226 muajin e kaluar, duke shënuar fitime dyshifrore ose treshifrore në rajonin e BE-së.

Të 27 tregjet e BE-së shënuan të paktën rritje dyshifrore muajin e kaluar ndërsa Italia regjistroi rritjen më të madhe (3,276.8 për qind) e ndjekur nga Irlanda (1,988.6 për qind) dhe Spanja (1,787.9 për qind).

Tregjet e tjera kryesore si Franca dhe Gjermania gjithashtu treguan rritje prej 568.8 për qind, përkatësisht 90 për qind, në bazë vjetore në prill.

Për periudhën janar-prill, kërkesa e BE-së për automjete pasagjerësh u rrit me 24.4 për qind krahasuar me të njëjtën periudhë të vitit të kaluar dhe arriti në 3.4 milionë.

BE-ja është tregu kryesor i eksportit të automjeteve për Turqinë, ku operojnë prodhuesit e njohur ndërkombëtarë të automjeteve si Ford, Honda, Hyundai, Mercedes, Renault dhe Toyota.

Kalendari

Ngjarjet e datës 19 Qershor 2021 - Pishina e Gërmisë hap dyert për sezonin veror 2021. (Gërmia, Prishtinë, ora 10:00)    

- Qendra Kosovare për Rehabilitimin e të Mbijetuarve të Torturës (QKRMT) dhe forumZFD promovojnë librin “Përtej dhimbjes, drejt guximit: Rrëfime për traumën e dhunës seksuale në luftë”. (Biblioteka Kombëtare, ora 11:00)

- Komisioni Qendror i Zgjedhjeve mban mbledhjen e radhës në të cilen do të shqyrtojë dhe miratojë rekomandimit për caktimin lartësisë së Shpenzimeve të Fushatës për zgjedhjet lokale 2021. (Selia e KQZ-së, ora 11:00)

- Kryetari i LDK-së, Lumir Abdixhiku, bën homazhe te varri i veprimtares Nekibe Kelmendi, në 10 vjetorin e vdekjes. (Varri i Nekibe Kelmendi, ora 12:00)

- Komuna e Mitrovicës do të bejë përurimin e rrugës së asfaltuar në fshatin Kovaqicë të Shalës së Bajgores. (Fshati Kovaqicë, ora 14:00)