03 Shkurt 2023

Thellohen humbjet në tregjet ruse

Moskë, 22 shkurt - Monedha ruse rubla dhe tregjet e aksioneve po humbin vlerën pasi Rusia njohu të ashtuquajturat administrata të separatistëve pro-rusë në Ukrainën lindore.

Me përshkallëzimin e tensioneve mes Rusisë dhe Ukrainës, kursi dollar/rubël filloi ditën me një rritje prej 1 për qind dhe u rrit në 80, ndërsa kursi euro/rubla u rrit me 1 për qind në 91,1.

Bursa e Moskës (MICEX), u zhvlerësua me 6,6 për qind në 2.853 pikë, ndërsa indeksi RTS ra me 10 për qind në 1.087 pikë.

Presidenti rus, Vladimir Putin, dje nënshkroi dekretin për njohjen e të ashtuquajturave republika të separatistëve pro-rus në Ukrainën lindore, ndërsa SHBA-ja dhe Bashkimi Evropian (BE) dënuan zhvillimet dhe njoftuan se do të ndërmarrin hapa në lidhje me sanksionet. 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)