31 Janar 2023

Tetë kompani kosovare marrin pjesë në takimet B2B me kompani gjermane

Prishtinë, 29 qershor - Tetë kompani kosovare janë përzgjedhur të marrin pjesë në takimet B2B, në kuadër të  Konferencës së 6-të ”Purchasing Initiative Western Balkans /BME Einkaufsinitiative Westbalkan”, që organizohet nga Asociacioni Federal për Menaxhimin e Zinxhirit të furnizimit, Blerje dhe Logjistikë (BME) në bashkëpunim me Ministrinë Federale për Ekonomi dhe Energji dhe Odat Ekonomike Gjermane të Jashtme të Rajonit.

Kjo konferencë është iniciiuar nga qeveria gjermane, si vazhdimësi e procesit të Berlinit për ta mbështetur zhvillimin ekonomik të vendeve të Ballkani Perëndimor. Ndërmarrjet gjermane, përmes kësaj iniciative inkurajohen që furnizimet t’i bëjnë tek prodhuesit e vendeve të Ballkanit Perëndimor.

Drejtoresha menaxhuese e Odës Ekonomike Gjermano-Kosovare (OEGJK), Nora Hasani, thotë se ky vit do të ofrojë më shumë mundësi për kompanitë e Ballkanit Perëndimor, duke marrë parasysh shkëputjet e krijuara në zinxhirët e furnizimit tek shumë kompani evropiane dhe gjermane që furnizohen në Azi.

 

“Ky vit do të ofrojë mundësi të arta për kompanitë kosovare, duke marrë parasysh shkëputjet që janë bërë në zinxhirët e furnizimit të kompanive gjermane, për shkak të pandemisë. Në fokus të shumë kompanive evropiane, e në veçanti gjermane, është që të gjejnë back-up suppliers (furnizues rezervë) sa më afër BE-së, për furnizimet që i kanë pranuar deri më tani nga Azia. Ndërkohë, shumë kompani kanë filluar ta konsiderojnë opsionin e ndërtimit të bazës së furnizuesve në Evropë, që të jenë më fleksibël”, thekson Hasani.

 

Viti 2020 shënon vitin e katërt që kompanitë kosovare nga industria e metalpërpunimit, industria e plastikës si dhe industria e automotivës/ elektronikës do të marrin pjesë në takime me blerës gjermanë.

 

Drejtoresha e OEGJK-së tregon se çdo vit numri i kompanive kosovare që kualifikohen për pjesëmarrje në Konferencën e BME-së për Ballkanin Perëndimor, po rritet. „Në vitin 2019 Kosova kishte vetëm tri kompani pjesëmarrëse, ndërsa këtë vit janë përzgjedhur 8 nga gjithsej 23 kompani kosovare, që kanë aplikuar për takime B2B“, thotë Hasani.

Kompanitë kosovare që do të marrin pjesë në takime B2B janë: Archtime, Art Aluminium, Automatics-KS, Eurometal, Jasin, Mikron ELD, Plastika dhe Unicron.  

Prodhuesit kosovarë janë inkurajuar të aplikojnë, duke u bazuar në kërkesat dhe profilet e kërkuara nga kompanitë gjermane. Për takimet B2B kompanitë pjesëmarrëse vendore janë përzgjedhur drejtpërsëdrejti nga kompanitë gjermane.

Për shkak të pandemisë, Konferenca ”Purchasing Initiative Western Balkans /BME Einkaufsinitiative Westbalkan” dhe takimet B2B do të mbahen në mënyrë virtuale, nga data 9 deri më 22 shtator 2020.

 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00