05 Dhjetor 2022

Sektori i automjeteve me i goditur nga koronavirusi, ulën pagat e punëtorëve

Pekin, 13 mars - Bizneset në Kinë, Itali dhe disa vende tjera janë ndërprerë në mënyrë të ashpër pas një bllokimi në shumë pjesë të vendit për të parandaluar përhapjen e koronavirusit.

Kanë kaluar më shumë se dy muaj që kur koronavirusi, i njohur zyrtarisht si Covid-19, u shfaq në qytetin kinez Wuhan. Që atëherë, ky virus ka vrarë të paktën 4.600 persona, me 124.519 raste të infektuara si dhe është përhapur në 118 vende.

Në Kinë, numri zyrtar është 80.980 raste të infektuara, me 3.173 vdekje.

Përderisa tregtia po përballon një rënie në kontinent, kompanitë kanë ulur pagat e punonjësve të tyre.

Më i goditur në ekonominë e dytë më të madhe në botë është sektori i automjeteve në vend.

E përditshmja "Global Times" raportoi se shifrat për muajin janar tregojnë se shitjet e automjeteve kanë shënuar rënie prej 18 për qind. Sipas gazetës, shitjet e automjeve të reja elektrike panë një rënie prej 54,5 për qind nga viti në vit.

Virusi e detyroi Pekinin që njerëzit që punojnë në metropole të dërgohen në pushime të detyrueshme dhe të mbyllin institucionet arsimore. Kjo përkoi me festat vjetore të Vitit të Ri Kinez.

Pa shpalosur emra, raporti i gazetës tha se shumë kompani kishin vendosur të kufizojnë pagat e drejtuesve të tyre të vjetër, ndërsa shpërblimet e rregullta në tremujorin e parë të vitit 2020 do të pezullohen dhe pagat bazë do të ulen me 20 për qind.

Një zhvillues i pasurive të patundshme në provincën Sichuan në jugperëndim të Kinës u raportua se nuk kishte paguar punonjësit në muajt janar dhe shkurt për shkak të "rënies së kapitalit".

Po ashtu edhe kompania e pasurive të patundshme "CapitaLand", me seli në Singapor, ka njoftuar një ulje të pagave të bordit të saj të drejtorëve dhe menaxhmentit të lartë përderisa pagat dhe shpërblimet themelore të drejtorëve të saj do të bien deri në 15 për qind nga 1 prilli.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)