02 Shkurt 2023

Rritet çmimi i naftës për shkak të humbjes së vlerës së dollarit

New York, 25 nëntor - Çmimi i naftës në tregun botëror u rrit sot pasi investitorët u inkurajuan nga rënia e dollarit amerikan, sepse për ta kjo do të thotë naftë më e lirë e indeksuar në dollarë.

Megjithatë, përkeqësimi i situatës me pandeminë e COVID-19 në Kinë frenoi rritjen e mëtejshme të çmimeve të naftës.

Çmimi i referencës ndërkombëtare të naftës Brent ishte 85,59 dollarë për fuçi mëngjesin e sotëm, pas një rritjeje prej 0,29 për qind.

Standardi i SHBA-së West Texas Intermediate (WTI) u tregtua me 78,39 dollarë për fuçi, pasi u rrit me 0,57 për qind.


Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)