06 Dhjetor 2022

Rriten çmimet e naftës, por tregjet aziatike të aksioneve shënojnë rënie

Hong Kong, 13 prill - Çmimi i naftës u rrit, por tregjet aziatike të aksioneve ranë sot pasi vendet prodhuese të arit të zi vulosën një marrëveshje ‘historike’ për të kufizuar prodhimin për shkak të pandemisë së koronavirusit.

Arabia Saudite, Rusia dhe të tjerë pranuan ta reduktojnë prodhimin e tyre me gati 10 milion fuçi në ditë për t`i dhënë një shtysë cmimeve në vazhdën e tkurrjes së kërkesës.

Konsumi i karburantit është ulur afërsisht me 30 përqind në mbarë botën për shkak të krizës së rëndë të shëndetit dhe ngërcit ekonomik. Sot nafta e papërpunuar Brent u rrit me 4.2 përqind duke shkuar në 32.83 dollarë për fuçi, por nuk dihet nëse kjo masë do të jetë e mjaftueshme për të stabilizuar tregjet. Indeksi i aksioneve Nikkei i Tokios ra me 2.3 përqind teksa analistët mendojnë se marrëveshja nuk mund ta mbushë boshllëkun e kërkesës për udhëtime dhe biznes.

Prodhuesit e naftës e arritën marrëveshjen e tyre mbrëmë në përpjekje për t’i dhënë fund një lufte të çmimeve mes Rusisë dhe Arabisë Saudite, që I bëri cmimet të bien në 20 dollarë fuçia.

Ujdia mes OPEC-ut me seli në Vjenë dhe partnerëve parashikon shkurtime të thella të prodhimit në muajt maj e qershor, pasuar nga një ulje graduale e shkurtimeve deri në prillin e vitit 2022. Sekretari i Përgjithshëm i OPEC-ut Mohammad Barkindo i quajti këto reduktime “historike”.

“Ata janë më të mëdhatë në vëllim e më të shtrirat ën kohëzgjatje pasi planifikohet të zgjasin për dy vjet,” tha ai.

Presidenti amerikan Donald Trump e përshëndeti marrëveshjen në Tëitter, duke shkruar se ajo ajo do të shpëtojë “ me mijëra vende pune në sektorin amerikan të energjetikës”, ndërsa falenderoi presidentin rus Vladimir Putin dhe Princin Saudit të Kurorës, Mohammed bin Salman.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)