06 Dhjetor 2022

Produktet e Kosovës konkurrente në tregun evropian në veçanti në Gjermani

Prishtinë, 13 tetor - Ministri i Tregtisë dhe Industrisë, Vesel Krasniqi bashkë me ambasadorin e Gjermanisë në Kosovë, Jorg Rohde dhe drejtoreshën e Odës Ekonomike Gjermano-Kosovare, Nora Hasani kanë vizituar dy biznese prodhuese të profileve dhe pjesëve nga metali.

Në Fushë Kosovë kanë vizituar fabrikën për prodhimin e profileve nga alumini dhe plastika “Art Aluminiumi”.

Ministri Krasniqi është shprehur i lumtur që produktet e prodhuar në Kosovë janë bërë konkurrente në tregun evropian, e në veçanti në Gjermani, fal përkushtimit në punë dhe cilësisë së produkteve.

Ministri Krasniqi ka thënë se me miratimin e pakos për rimëkëmbje ekonomike bizneset do të mund sadopak ta kenë më të lehtë përballimin e pandemisë.

 “Nga këtu, ne pamë një zhvillim shumë të hovshëm të këtij biznesi. Dhe këtu së bashku me ambasadorin e Gjermanisë ne u deklaruam se edhe për shkak të pandemisë shumë biznese vendore, por edhe në gjithë botën sigurisht janë prekur nga COVID -19, ne u zotuam që përmes pakos për rimëkëmbje ekonomike do t’i mbështesim të gjitha bizneset të cila janë atakuar nga kjo pandemi”, tha Krasniqi.

Pos ndihmës si Qeveri e Kosovës do të ndërmerren edhe hapa përmes të cilave do të luftojnë ekonominë jolojale që iu bëhet prodhuesve vendorë.

Ambasadori i Gjermanisë në Kosovë, Jorg Rohde, ka thënë se me këtë vizitë dëshmojmë të shprehin gatishmërinë për ta përkrahë eksportin e kompanive vendore.

“Do të kemi parasysh që kompanitë përkatësisht ndërmarrjet e vogla e të mesme janë baza e ekonomisë gjermane e po ashtu edhe baza e ekonomisë kosovare. Përmes vizitës sonë dëshmojmë dhe dëshirojmë të tregojmë se bashkë me Odën Ekonomike Gjermano-Kosovare dhe në bashkëpunim me ministrinë jemi të angazhuar që të përkrahim eksportin e kompanive vendore drejt Gjermanisë, por edhe drejt shteteve të tjera ”, është shprehur ambasadori gjerman.

Ministri dhe ambasadori gjerman vizitën e radhës e kanë zhvilluar në Ferizaj në kompaninë  “Mikroni Eld-LLC”, e cila prodhon pajisje të ndryshme nga metali dhe nga plastika, si dhe eksporton produktet e veta në Gjermani dhe shtetet tjera të Evropës perëndimore.

Përfaqësuesit e dy bizneseve prodhuese, nikoqir të takimit janë shprehur falënderues për këtë vizitë duke shpalosur planet e tyre të zhvillimit dhe synimin e rritjes së kapaciteteve prodhuese.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)