01 Gusht 2021

Policia arreston një person për transportim të mishit në kushte jo higjienike

Pejë, 19 korrik - Drejtoria Rajonale e Policisë Pejës ka njoftuar se deri sa patrulla e Stacionit Policor në Istog, ishte në pikë kontrolli ne fshatin Gurrakoc, ka ndaluar personin e dyshuar i cili ishte duke vozitur automjetin VW Caddy me targa vendore, gjatë kontrollit te automjetit në bagazhin e tij është gjetur një sasi e mishit i cili transportohej ne kushte jo higjienike.

I dyshuari se bashku me automjetin është shoqëruar në Stacionin Policor Istog për  intervistim,  janë njoftuar inspektorët sanitar dhe Prokurori i shtetit.

Nga inspektorët sanitar është bërë inspektimi i mishit dhe sipas inspektorëve sasia e mishit ishte rreth një qind e pesëdhejtë (150) kg, pasi që nga i dyshuari nuk është prezantuar ndonjë dokument përcjellës, sasia e mishit nën përcjellje të Policisë së Kosovës dhe inspektorëve sanitar, është bërë asgjësimi i mishit në deponinë e mbeturinave.

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)