21 Tetor 2021

OPEC + ruan rritjen modeste të prodhimit

Paris, 4 tetor - Vendet anëtare të Organizatës së Vendeve Eksportuese të Naftës (OPEC) dhe aleatët e tyre zgjodhën sot të rinovojnë strategjinë e tyre të rritjes modeste të prodhimit, duke injoruar thirrjet për ta rritur atë dhe për të nxitur ngritjen e çmimeve.

“Duke marrë parasysh bazat aktuale të tregut të naftës (…), OPEC + ka konfirmuar rregullimin në rritje të prodhimit të përgjithshëm mujor prej 400 000 fuçi në ditë për muajin nëntor”, njoftoi karteli në një njoftim për shtyp, i publikuar në fund të një samiti të shpejtë të mbajtur me videokonferencë.

Tregjet, që shpresonin për një përshpejtim të ritmit, reaguan fuqishëm ndaj këtij vendimi: dy referencat për naftën e papërpunuar, në të dy anët e Atlantikut, ËTI dhe Brent, fituan përkohësisht më shumë se 3 për qind.

Shumë lojtarë dhe vëzhgues po llogarisnin një hapje më të fortë të “rubinetit” të arit të zi, pasi rritja e çmimeve, që ka qenë e rëndësishme javët e fundit, tani mund të përfaqësojë një kërcënim për inflacionin dhe rimëkëmbjen e ekonomive ende të dobësuara nga pandemia COVID-19.

Anëtarët e aleancës së prodhuesve kanë rënë dakord të takohen sërish më 4 nëntor.

Kalendari

Ngjarjet e datës 22 Tetor 2021 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)