07 Shkurt 2023

Norma vjetore e inflacionit, e matur në qershor ishte 0.1%

Prishtinë, 10 korrik - Agjencia e Statistikave të Kosovës (ASK) ka publikuar “Indeksin e Harmonizuar të Çmimeve të Konsumit” (IHÇK) për muajin qershor 2020.

Inflacioni mujor i matur nga indeksi i harmonizuar i çmimeve të konsumit ishte (-0.4%) në muajin qershor 2020, krahasuar me muajin maj 2020.

Kjo kryesisht është shpjeguar me rënien e çmimeve të konsumit te nëngrupet e COICOP-it: qumësht, djathë dhe vezë (-2.8%); perimet (-9.3%), me një ndikim të përbashkët të këtyre nëngrupeve prej (-0.5 për qind) në IHÇK.

Ndërsa, ngritje e çmimeve vërehet te nëngrupi i COICOP-it: përdorim i pajisjeve për transportin personal (1.0%) – (ngritje e çmimeve të naftës dhe benzinës) me një ndikim të këtij nëngrupi prej (0.1 për qind) në IHÇK.

Ndërkaq, norma vjetore e inflacionit, e matur në muajin qershor 2020 me muajin qershor 2019 ishte 0.1%.

Kjo kryesisht është shpjeguar me ngritjen e çmimeve të konsumit në këtë periudhë te nëngrupet e COICOP-it: bukë dhe drithëra (2.2%); mish (1.0%); qumësht, djathë dhe vezë (2.6%); vajra dhe yndyrëra (1.6%); pemë (8.7%); sheqer, reçel, mjaltë, çokollatë dhe ëmbëlsira (3.6%); kafe, çaj dhe kakao (7.9%); ujë, pije joalkoolike, lëngje nga pemët dhe perimet (2.2%); pije alkoolike (1.7%); energji elektrike, gaz dhe lëndë djegëse të tjera (0.8%) - (ngritje e çmimeve të drunjve për ngrohje); pajisje shtëpiake (1.7%); mallra dhe shërbime për mirëmbajtjen e zakonshme të ekonomisë shtëpiake (1.6%); produkte mjekësore, aparaturë dhe pajisje (5.2%); shërbime ambulantore (5.5%); blerje e automjeteve (0.8%); shërbime telefonike dhe të telefaksit (0.7%); shërbime hoteliere (3.0%); gjëra personale (4.2%); sigurime (19.2%) – (ngritje e çmimeve të sigurimeve të automjeteve), me një ndikim të përbashkët të këtyre nëngrupeve prej 1.5 për qind në IHÇK.

Në këtë periudhë, rënie e çmimeve vërehet te nëngrupi i COICOP-it: përdorim i pajisjeve për transportin personal (-18.1%) – (rënie e çmimeve të naftës dhe benzinës) me një ndikim të këtij nëngrupi prej (-1.4 për qind) në IHÇK.

 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)