29 Janar 2022

Nesër në Tiranë fillon java tradicionale e CEFTA-së

Tiranë, 17 dhjetor - Nesër në Tiranë fillon java tradicionale e CEFTA-së, një ngjarje që rregullisht për cdo vit mbahet në kryqendrën e vendit anëtar kryesues dhe ky do të marin pjesë të gjitha shtatë shtete anëtare, përfshirë edhe Kosovën dhe Serbinë, përkundër mosmarrëveshjeve të tyre tregtare.

Marrëveshja e Tregtisë së Lirë të Evropës Qendrore (CEFTA) u nënshkrua në dhjetor 2006 me qëllim të liberalizimit dhe lehtësimit të mëtejshëm të tregtisë midis Shqipërisë, Bosnjës dhe Hercegovinës, Kosovës, Moldavisë, Malit të Zi, Maqedonisë Veriore dhe Serbisë.

Konferenca, e cila pritet të hapet nga kryeministri shqiptar Edi Rama, do të jetë një hap i mëtejshëm drejt forcimit të tregtisë dhe tregtisë së shërbimeve midis vetë palëve, ekonomive të tyre dhe BE-së dhe tregjeve globale. Zbatimi i plotë i CEFTA-së do të sigurojë një kornizë për ekonomitë me kapacitete të vogla për të forcuar konkurrencën e produkteve nga rajoni i CEFTA-së. Sipërmarrësit e rinj dhe bizneset fillestare do të jenë në gjendje t'i ofrojnë produktet e tyre jo në një, por në shtatë tregje dhe më gjerë.

Ngjarja kryesore e Javës së CEFTA-së që mbahet në Shqipëri do të ndodh nesër kur mbahet konferenca me moton "Kthimi i sfidave në mundësi".

Vendet anëtare e CEFTA-së pritet të miratojnë një seri dokumentesh për të cilat tashmë janë rënë dakord në një nivel teknik dhe të cilat synohen të kontribuojnë në liberalizimin e mëtejshëm të tregtisë dhe tregtisë rajonale në shërbime dhe të nxisin klimën e investimeve. Ato janë gjithashtu një pjesë e paevitueshme e rrugëtimit drejt pranimit në BE të gjashtë vendeve të Ballkanit Perëndimor, pasi ato motivojnë palët të shpejtojnë harmonizimin e rregullimit të tyre me atë të BE-së.

Ndër dokumentet e përgatitur për miratimin e Komitetit të Përbashkët të CEFTA nesër është Protokolli Shtesë 6 për Tregtinë në Shërbime i cili është shumë i rëndësishëm për kompanitë dhe organizatat sepse do të hapte të gjitha shtatë tregjet për tregti në shërbime dhe hap mundësi për integrim të mëtejshëm ekonomik. Do të mundësonte njohjen e ndërsjellë të licencave specifike, kualifikimeve profesionale, lehtësimin e e-commerce etj.

Kalendari

Ngjarjet e datës 29 janar 2022

- Partia Socialdemokrate dhe Grupi Protestojë organiojnë protestë kundër shtrenjtimit të energjisë elektrike për të ruajtur profitin e interesat e KEDS e KESCO-s. (Sheshi “Zahir Pajaziti”, ora 14:00)

- Nën patronatin e Kryetarit të Komunës, Smajl Latifi behën homazhe dhe nderime për dëshmorin e kombit Sahit Krasniqi, te varrezat e dëshmorëve në Ratkoc. (Ratkoc, ora 14:00)

- Në kuadër të flakës së Janarit mbahet festivali i Kënges për fëmijë "Xixat e Flakës". (Teatri i Qytetit të Gjilanit, ora 17:00)