04 Shkurt 2023

Ministria e Financave nënshkruan memorandum për Bonot e Diasporës

Prishtinë, 6 korrik - Ministri i Financave, Punës dhe Transfereve Hekuran Murati sot ka nënshkruar memorandumin e bashkëpunimit për emetimin e Bonove të Diasporës, me guvernatorin e Bankës Qendrore të Republikës së Kosovës dhe përfaqësuesit e bankave komerciale në Kosovë.

“Arsyeja pse ky instrument është më i leverdishëm është se fillimisht kjo ka të bëjë me atdhedashurinë, e dyta është më e leverdishme sepse në të gjitha vendet e Bashkimit Evropian normat e interesit aktualisht janë negative ose zero, kurse në Kosovë, megjithëse jemi me valutën Euro, normat janë pozitive.” theksoi Ministri Murati.

Qëllimi i Bonove të Diasporës është kanalizmi i kapitalit të mërgatës drejt investimeve strategjike për zhvillimin e vendit. Emetimi i këtyre Bonove është po ashtu pjesë e Pakos së Ringjalljes Ekonomike të cilën e ka prezantuar së fundmi Ministri Murati.

Gjatë prezantimit të pakos ai theksoi se këto Bono do të bëhen instrument financimit të Pakos, ku qëllimi kryesor i së cilës është krijimi i vendeve të punës dhe ringjallja ekonomike e vendit.

Bonot e Diasporës janë letra me vlerë të garantuara nga shteti dhe të emetuara nga Thesari i Kosovës. Të drejtë blerjeje kanë të gjithë personat fizikë rezidentë dhe jo-rezidentë.

Fitimi nga ky investim është i liruar nga tatimi dhe paguhet çdo 6 muaj deri në përfundim të maturimit.

Data e emetimit të këtyre Bonove është 20 Gusht 2021, ndërsa kuponi i parë i interesit do të paguhet me 20 Shkurt 2022. Këto Bono kanë maturitet 3 vjeçar me interes vjetor 1.20% dhe 5 vjeçar me interes vjetor 2.20%.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)