07 Dhjetor 2021

Koncepti i shitjeve përmes internetit krijon lehtësira në të bërit biznes

Prishtinë, 24 korrik - Oda Ekonomike Amerikane në Kosovë organizoi një trajnim virtual mbi shitjen online dhe komunikimin digjital me kryeshefin ekzekutiv të kompanisë Hallakate, Valon Canhasi.

Përmes këtij trajnimi, anëtarët e Odës Amerikane patën mundësinë të zhvillojnë njohuritë rreth shitjes online dhe prezencës në internet, si dhe të eksplorojnë mënyrat se si mund të shfrytëzohet interneti në përgjithësi për fushën e shitjeve.

Kryeshefi ekzekutiv i Hallakate, Valon Canhasi, ndau me pjesëmarrësit e këtij trajnimi statistikat e fundit të përdoruesve të internetit në Kosovë, të cilat kohëve të fundit kanë arritur shifrat më të larta ndonjëherë. 

Canhasi theksoi se bizneset tanimë janë në një luftë konstante për të tërhequr vëmendjen e konsumatorëve përmes promovimit të shërbimeve dhe produkteve të tyre në internet, gjithmonë duke u përshtatur me audiencën të cilës synojnë t’i shërbejnë, duke ndjekur trendet e fundit dhe ndryshimet e shprehive të konsumit.

Ai gjithashtu potencoi se koncepti i shitjeve përmes internetit megjithëse proces relativisht i vështirë për t‘u arritur, krijon mjaft lehtësira në fushën e të bërit biznes pasi lejon qasje më të lehtë në produktet dhe shërbimet të cilat i ofrojnë bizneset në çdo kohë, pa pasur nevojë për kontakt fizik.

Sipas Canhasit, prezenca digjitale gjithashtu krijon lehtësira në menaxhimin e biznesit duke ofruar qasje në të dhëna nga distanca.

Gjatë këtij trajnimi Canhasi ndau me pjesëmarrësit një strategji për krijimin e platformës së shitjeve online, duke zbërthyer hap pas hapi veprimet që duhet të ndërmerren drejt krijimit të një platforme të suksesshme.

Sipas tij, kjo strategji përfshin identifikimin e tregut, analizën e mirëfilltë të kërkesës dhe nevojave të klientëve, dhe përshtatjen e promovimit të biznesit në platformat më të përdorura nga audienca e targetuar.

Ai i dha theks të veçantë nevojës për ngritje të vetëdijes rreth mundësive që ofrojnë bankat dhe bizneset për shitje online, sidomos gjatë kësaj kohe kur kontakti fizik me klientët është pothuajse plotësisht i limituar. 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)