04 Tetor 2022

Katër kompanive të naftës u pezullohen lejet e importit

Prishtinë, 19 prill - Ministria e Industrisë, Ndërmarrësisë dhe Tregtisë ka pezulluar lejet për katër kompani të derivateve të naftës, të cilat merren më përpunimin dhe shitjen më shumicë të këtij produkti.

Petrol Company, Kosova Rafinery, Kulla Exim dhe In Oil, janë kompanitë e dyshuara, të cilave u janë pezulluar lejet.

Ministrja e Industrisë, Ndërmarrësisë dhe Tregtisë, Rozeta Hajdari ka thënë së sot Dogana e Kosovës ka gjetur te katër subjekte që merren me përpunimin e produkteve të naftës parregullsi që rrezikojnë cilësinë e produkteve.

Në një konferencë për media bashkë me drejtorin e Doganës, Agron Llugaliu, Hajdari ka thënë se Dogana nuk ua ka vazhduar autorizimet këtyre subjekteve.

“Dogana ka pezulluar autorizimin, përkatësisht nuk ua ka vazhduar autorizimet katër subjekteve . Disa nga subjektet u kanë shitur produkte të naftës kompanive të palicencuara, nuk kanë përdorur mjete matëse të verifikuara, si dhe ju kanë shmangur akcizës duke deklaruar rrjedhimisht përbërjen e produktit."

"Këto veprime e mosveprime përbejnë shkelje të ligjit, andaj duk u mbështetur në fakte që ka konstatuar Dogana, ne si Ministri e Industrisë, Ndërmarrësisë dhe Tregtisë kemi revokuar dhe pezulluar katër subjekte me leje për importin e lëndës së parë, deponimin e lëndës së parë dhe produktit final si dhe shitjen me shumicë të produktit final që është vaji i rëndë ose mazutit", është shprehur ajo.

Ajo ka thënë se njërit subjekt i kanë pezulluar edhe lejen për importin e vajrave të rënda, e ndaj po të njëjtit subjekt po zhvillojnë procedura për mashtrim në cilësinë e karburanteve që ua ka shitur institucioneve publike.

Hajdari ka thënë po ashtu se në kazermat e FSK-së është gjetur naftë me përmbajtje të lartë të sulfurit.

Ndërsa, Drejtori i Përgjithshëm i Doganës së Kosovës, Agron Llugaliu, deklaroi se nga kontrolli i kryer ndaj katër subjekteve, nuk është gjetur ndonjë interes për vendin.

“Dogana e Kosovës bazuar në licencat që Ministria e Industrisë Ndërmarrësisë dhe Tregtisë ka lëshuar ndër vite autorizime të cilat kanë mundësuar që dy komponentë të ndryshëm të vajrave të rënda të përzihen me një proces, i cili mundëson që të ulë përqindjen e sulfurit në norma të lejuara për përdorim në treg."

"Ndër vite ka pasur vështirësi të mbikëqyrjes në këtë pjesë dhe janë evidentuar edhe shkelje, mirëpo nuk ka pasur ndonjëherë ndonjë veprim i cili e adreson këtë rrezik. Kodi doganor ka mundësuar për subjektet që krijojnë vlera për ekonominë që të lejojë në procedurë të pezullimit të taksave të prodhohen produkte sikur këto, mirëpo me kusht që kjo të jetë në interes ekonomik të vendit”, ka thënë ai.

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)