27 Janar 2023

Investimet e huaja direkte në nivel global pritet të ulen me 40 për qind

New York, 17 qershor - Konferenca e Kombeve të Bashkuara për Tregtinë dhe Zhvillimin (UNCTAD) ka publikuar raportin e saj të Investimeve Botërore për vitin 2020.

"Këtë vit investimet e huaja direkte në nivel global pritet të ulen me 40% në krahasim me vitin 2019 për shkak të ndikimeve të recesionit ekonomik të shkaktuar nga pandemia e koronavirusit", thotë UNCTAD.

Sipas raportit në fjalë, investimet e huaja direkte globale nga 1,54 që u regjistruan vitin e kaluar (2019) do të bien me 40% në vitin 2020, duke rënë kështu për herë të parë që nga 2005 nën 1 trilion dollarë.

Raporti vlerëson se investimet e lartpërmendura mund të bien me 5 deri 10% edhe në 2021. Investimet do të fillojnë të rimëkëmben në 2022.

UNCTAD deklaroi se kufizimi i imponuar i aktivitetit ekonomik për të parandaluar përhapjen e koronavirusit ka ngadalësuar projektet ekzistuese në investime.

"Pritja e një recesioni të thellë do t'i shtynte kompanitë ndërkombëtare të rishikojnë projektet e reja. Masat politike të miratuara nga qeveritë në krizë përmbajnë kufizime të reja për investimet”, parashikon konferenca e OKB-së.

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)