04 Korrik 2022

Inflacioni në BE arriti në 8.1 për qind

Bruksel, 18 maj - Zyra evropiane e statistikave (Eurostat) ka bërë të ditur se inflacioni vjetor për muajin prill në Bashkimin Evropian u rrit në 8.1 për qind me efektin e rritjes të çmimeve të energjisë.

Eurostat publikoi të dhënat vjetore të inflacionit për muajin prill në BE dhe Eurozonë. Sipas kësaj, inflacioni vjetor në Eurozonë, i cili në muajin mars ishte 7.4 për qind, ka ruajtur nivelin e tij edhe në muajin prill.

Ndërsa, inflacioni vjetor në BE, i cili në muajin mars ishte 7.8 për qind, u rrit në 8.1 për qind në prill.

Norma e inflacionit në fjalë, në prillin e vitit të kaluar ishte 1.6 për qind në Eurozonë dhe në BE në nivelin e 2 për qind.

Regjistrimet e inflacionit për Eurozonën filluan të mbahen që nga viti 1997. Në këtë mënyrë, inflacioni në prill ashtu si në mars në Eurozonë arriti në nivelin më të lartë në 25 vitet e fundit në të cilën janë mbledhur të dhënat nga Eurostat.

Në prill, kontributin më të madh në rritjen vjetore të inflacionit në Eurozonë e kanë pasur produktet e energjisë me 3.7 për qind.

Energjia u pasua respektivisht nga shërbimet 1.38 për qind, produktet e ushqimit, alkoolit dhe duhanit 1.35 për qind dhe 1.02 për qind produktet industriale joenergjetike.

Në prill, në Gjermani inflacioni u përcaktua 7.8 për qind, në Francë 5.4 për qind, në Spanjë 8.3 për qind, në Itali 6.3 për qind, në Holandë 11.2 për qind, në Belgjikë 9.3 për qind, në Çeki 13.2 për qind, në Lituani 16.6 për qind dhe në Estoni 19.1 për qind.

Inflacioni është shumë mbi objektivin prej 2 për qind të Bankës Qendrore Evropiane (BQE).

Rritja e inflacionit kohët e fundit ka shqetësuar edhe evropianët.

Në Evropë tërheq vëmendjen rritja e çmimeve të përgjithshme, veçanërisht në produktet ushqimore bazë dhe ato të energjisë.

Kalendari

Ngjarjet e datës 4 korrik 2022

- Zëvendëskryeministri i Parë për Integrim Evropian, Zhvillim dhe Dialog, Besnik Bislimi pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 8:45)

 - Për nderë të 4 korrik 246 vjetori i Pavarsisë së SHBA zjarrfikësat e Prishtinës e pastrojnë platonë tek shtatorja e Presidentit Bill Clinton. (Sheshi Bill Clinton në Prishtinë, ora 9:00)

- Kryeministri i Republikës së Kosovës, Albin Kurti, pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 9:55

- Kryetarja e Dhomave të Specializuara Ekaterina Trendafilova do të mbajë takim me përfaqësues të shoqërisë civile në Gjilan, ku do të ndajë informacion rreth mandatit, punës dhe zhvillimeve aktuale në Dhomat e Specializuara të Kosovës si dhe do t’u përgjigjet pyetjeve të tyre. (Hotel  Astoria në Gjilan, ora 10:00)

- Shoqata 'Miqtë e Amerikës' e mbështetur nga FSK, Zjarrfikësat dhe Policia e Kosovës organzon aktivitetin e radhës tashmë tradicional për nderë të 4 korrik 246 vjetori i Pavarsisë së SHBA. (Të shtatorja e Presidentit Bill Clinton, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 13:00‪)
   
- UBT oganizon festivalin ndërkombëtar të dijes “Global UBT Fest 2022”, përmes së cilit në Kosovë po sjell profesionistë dhe ekspertë vendorë dhe ndërkombëtarë, duke organizuar samite, forume, gara, ligjërata tematike, vizita studimore, e ngjarje të ndryshme interesante për studentët dhe palët e tjera. (Parku Shkencor Inovativ të UBT-së në Lipjan, ora 18:00)