17 Janar 2022

Inflacioni global intensifikohet me rritjen e konsumit dhe çmimet e larta të energjisë

New York, 15 dhjetor - Agjencia Ndërkombëtare e Rejtingut "Fitch Ratings" ka njoftuar se inflacioni global është intensifikuar muajt e fundit me rritjen e konsumit, çmimet e larta të energjisë, mungesat e mallrave dhe vështirësitë në zinxhirin e furnizimit.

Normat vjetore të inflacionit në shumicën e ekonomive më të mëdha të botës janë rritur më së shumti në dekadat e fundit, thuhet në një deklaratë nga "Fitch Ratings".

"SHBA-ja dallohet midis ekonomive kryesore të zhvilluara, me konsum më të lartë të mallrave të qëndrueshme, rritje më të lartë të çmimeve të mallrave bazë të konsumit dhe sinjale më të qarta të rritjes së shërbimeve", shtohet më tej.

Inflacioni i konsumatorit në SHBA arriti në 6.8 për qind në bazë vjetore në nëntor, që është rritja më e madhe vjetore në 39 vjet.

Eurozona regjistroi gjithashtu normën më të lartë të inflacionit prej 4.9 për qind që nga fillimi i saj ndërsa inflacioni në Gjermani u rrit në 5.2 për qind, më e larta në 29 vjet.

Sipas agjencisë së rejtingut, tregjet në zhvillim kanë regjistruar rritje shumë të lartë të inflacionit në muajt e fundit ndërsa inflacioni në përgjithësi ka mbetur i ulët në ekonomitë kryesore aziatike.
 

Kalendari

Ngjarjet e datës 17 janar 2022

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit mban dëgjim publik për Projekt-Kodin e Procedurës Penale dhe projektligjin për bashkëpunim juridik ndërkombëtar në çështjet civile. (Ndërtesa e Kuvendit, salla N506, ora 9:00)

- Instituti Demokratik i Kosovës organizon tryezën më temë “Shpenzimet e parasë publike në kategorinë e subvencioneve dhe investimeve kapitale gjatë mandatit qeverisës 2018-2021”. (Hotel Sirius, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Universiteti Publik “Kadri Zeka” në Gjilan,  do të shënojë Janarin e Përflakur më çrast do të mbahet tribunë e hapur në të cilën do të ketë dy ligjërata "Flakadanët e lirisë" dhe Jusuf Gërvalla - Atdhetari dhe krijuesi. (Amfiteatrin i Universiteti të Gjilanit, ora 11:00)  

- Partia Socialdemokrate do të mbaj konferencë për media lidhur me projektligjin për inspektime të propozuar nga Qeveria e Kosovës. (Zyra e PSD-së, në rrugën Bajram Kelmendi, ora 13:00)

- Në kuadër të manifiestimit 'Flaka e Janarit' mbahet akademie e Flakës 2022. (Teatri i qytetit të Gjilanit, ora 17:00)

 

- Në 40 vjetorin e vrasjes së Jusuf e Bardhosh Gërvallës dhe Kadri Zekës, shkëlqesia e Tij, Albin Kurti, Kryeministër i Republikës së Kosovës, organizon Akademinë Përkujtimore në nderim të tre veprimtarëve të shquar të çështjes kombëtare. (Salla e Kuqe, Pallati i Rinisë dhe Sporteve, Prishtinë, ora 17:00)

- Hapet ekspozita kolektive e artit pamor. (Galeria e qytetit të Gjilanit, ora 19:00)