28 Nëntor 2021

Heqja taksës 100% duhet të shoqërohet me ngritjen e institucioneve të kontrollit

Tiranë, 8 mars - Konfindustria vlerëson, se pasojat negative të heqjes me detyrim të taksës 100%, të zbatuar prej më shumë se një viti nga Kosova ndaj prodhimeve me origjinë nga Serbia dhe Bosnje-Herzegovina, duhet të shoqërohen me ngritjen dhe bërjen efektive sa më shpejt të institucioneve të kontrollit dhe zbatimit të masave të parashikuara në marrëveshjet ndërkombëtare të tregtisë së lirë, rregullave të OBT/Organizatës Botërore të Tregtisë, CEFTA, etj,.

Konfindustria vlerëson, se sipas të dhënave historike një numër i madh i mallrave dhe shërbimeve me origjinë nga Serbia kanë patur natyrën e mirëfilltë të politikave “dumping" në kundërshtim të qartë me praktikat ndërkombëtare të tregtisë së lirë.

Administratori i Përgjithshëm, Gjergj Buxhuku ka theksuar se Qeveria e Serbisë ka subvencionuar në mënyrë të drejtëpërdrejtë dhe të tërthortë eksportet, me synimin e kapjes së tregjeve, falimentimeve dhe/pamundësisë së ndërtimit të industrive vendore si dhe krijimit të monopoleve tregtare në Kosovë.

Politika të tilla sipas Buxhukut kanë qenë dhe janë të pranishme edhe në tregun e Shqipërisë për prodhime të caktuara. 

Konfindustria vlerëson, se agresioni tregtar i Serbisë ndaj industrive dhe prodhimeve të Kosovës, është ndihmuar nga bashkpunimi me grupe monopoliste vendore me ndikim të qartë korrupsionist në vendimarrjen politike, agjencitë doganore, tatimore, etj..

Gjithashtu sipas Buxhukut rol të rëndësishëm negativ dhe ndihmues të politikave të agresionit tregtar të Serbisë ka patur edhe paaftësia e agjencive shtetërore të Kosovës për të kontrolluar kontrabandën masive.

"Kontrabanda është kushtëzuar edhe nga mungesa e kontrollit të plotë të territorit në pjesën veriore nga qeveria e Kosovës, që e ka kthyer praktikisht zonën në fjalë në një nga “magazinat” më të mëdha të kontrabandës në Europë", ka vlerësuar Buxhuku.

 

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)