08 Dhjetor 2021

Fitch Ratings parashikon rritje të çmimeve të arit, aluminit, bakrit dhe nikelit

New York, 25 nëntor - Agjencia ndërkombëtare e vlerësimit "Fitch Ratings" rriti parashikimet e çmimit të arit, metaleve dhe minierave për 2021 dhe 2022 për shkak të çekuilibrimit afatshkurtër të ofertës dhe kërkesës si dhe kërkesës më të lartë afatgjatë.

"Fitch Ratings" tani pret që çmimi i arit të jetë mesatarisht 1.800 dollarë për ons këtë vit, nga vlerësimi i saj i mëparshëm prej 1.700 dollarë dhe vlerëson se mesatarja do të jetë 1.600 dollarë për ons vitin e ardhshëm, nga 1.500 dollarë.

Rishikimi në rritje pasqyron "rritjen e kërkesës për shkak të statusit të investimit të saj si 'strehë e sigurt'", thuhet në deklaratën e agjencisë.

Agjencia, megjithatë, vuri në dukje se kërkesa për ar është moderuar që nga kulmi i pandemisë së COVID-19 "për shkak të perspektivave më të mira të rimëkëmbjes ekonomike".

Parashikimet për çmimin e aluminit u rishikuan në 2.450 dollarë, nga 2.200 dollarë për ton, për këtë vit dhe në 2.500 dollarë nga 2.000 dollarë për vitin 2022.

“Ndërprerjet e energjisë elektrike në Kinë kanë çuar në reduktime të kapacitetit të prodhimit që së bashku me shtyrjet dhe rinisjet e vonuara, kanë çuar në deficite të konsiderueshme në vitin 2021 që presim të vazhdojmë në vitin 2022 me një balancë të fortë tregu pas kësaj”, theksohet në deklaratë.

“Kërkesa për alumin në periudhën afatmesme dhe afatgjatë do të mbështetet nga aplikimi i tij në elektrifikimin dhe tranzicionin e energjisë”, shtoi deklarata.

Vlerësimi i çmimit të bakrit u rrit në 9.250 dollarë për ton, nga 9.000 dollarë për këtë vit dhe në 8.500 dollarë, nga 7.500 dollarë për vitin e ardhshëm.

"Inventarët e bakrit janë në nivele shumë të ulëta, konsumi i ulët në tre javë, çoi që stoqet e këmbimit të jenë në nivelet më të ulëta të 20 viteve", tha "Fitch Ratings".

“Ndërsa kërkesa po rritet, kompanitë e minierave përballen me sfida në marrjen e lejeve mjedisore për projekte të reja dhe rezistencën e komuniteteve lokale”, shtohet më tej.

Parashikimi i çmimit të nikelit u rrit në 18.250 dollarë për ton, nga 16.500 dollarë, për vitin 2021 dhe në 16.000 dollarë, nga 15.000 dollarë për vitin 2022, i nxitur nga efektet e mbetura të stoqeve të ulëta dhe çmimet më të larta në 2021", tha "Fitch Ratings".

Gjithashtu, pritshmëria e çmimit të zinkut u rishikua në 2.900 dollarë, nga 2.800 dollarë për ton, për këtë vit dhe në 2.900 dollarë, nga 2.400 dollarë për vitin e ardhshëm, si rezultat i rritjes së kërkesës globale që arrin pothuajse nivelin para pandemisë, kurse tregu global i zinkut të rafinuar "ka të ngjarë të kalojë në mungesa" në 2022 dhe 2023, thuhet në deklaratë.

Kalendari

Ngjarjet e datës 8 dhjetor 2021

- Komisioni për të Drejtat dhe Interesat e Komuniteteve dhe Kthim shqyrton Projektligjin për tregtinë me produkte të naftës dhe karburante të ripërtërishme, dërgimin e Forcës së Sigurisë së Kosovës jashtë vendit, etj. (Ndërtesa e Kuvendit, salla N225, ora 10:00)

- Ambasada Franceze, Aleanca Franceze e Prishtinës dhe Espace Campus France, në bashkëpunim me Universitetin e Prishtinës dhe Universitetin AAB organizojnë hapjen e Panairit Universitar Francez në Kosovë i cili do tu mundësoj studentëve kosovarë të zbulojnë programet akademike të ofruara nga 30 universitete dhe 16 webinare nga Franca. (Universitetin AAB, ora 10:00)

- Ministri i  MMPHI Liburn Aliu raporton para Komisionit për Mbikëqyrjen e Financave Publike lidhur me raportin e auditimit të përformancës "Mbledhja, trajtimi dhe asgjësimi i mbeturinave komerciale”. (Ndërtesa e Kuvendit, salla N10, ora 10:00)  

- VentureUP në partneritet me Sustainability Leadership Kosova dhe financuar nga UNDP organizon ditën e garës finale e eko-startup-eve të Programit Green Hub. (Amfiteatri i objektit të Administratës Qendrore të Universitetit të Prishtinës, ora 10:00)

- Komisioni për Çështje të Sigurisë dhe Mbrojtjes shqyrtimin raportin me propozim-amendamente për Projektligjin për ndryshimin dhe plotësimin e Ligjit për Deminim Humanitar. (Ndërtesa e Kuvendit, salla N302, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 12:00)

- Të rinjte e iniciatives “Hajde në shkollë” organizojnë forum teatrin që ka për qëllim vetëdijësimin dhe parandalimin e braktisjes së shkollimit në mesin e të rinjve në komunën e Klinës. (Shtëpia e kulturës “Jehona e Dukagjinit” në Klinë, ora 14:00)

- Kosovo 2.0 dhe Fondacioni 17  organizojnë diskutimin lidhur me mobilizimin e komunitetit për ruajtjen dhe rikthimin e hapësirave të përbashkëta publike, me fokus në historinë e tri kinemave që i shpëtuan privatizimit. (Kino Armata, ora 17:00)

- OJQ “Zëri i Romëve, Ashkalive dhe Egjiptianëve” organizojnë diskutimin "Le të flasim" i cili synon të sjellë vëmendjen dhe ndërgjegjësimin tek audienca në lidhje me diskriminimin racor, martesat e hershme, gjuhën e urrejtjes në institucionet publike dhe rrugën e edukimit mbi dy dekada. (Kino Armata, ora 19:00)