09 Shkurt 2023

Diskutohet për lehtësimin e tregtisë përmes Operatorëve të Autorizuar Ekonomik

Prishtinë, 8 korrik - Klubi i Prodhuesve të Kosovës (KPK) organizon punëtorinë “Lehtësimi i tregtisë përmes Operatorëve të Autorizuar Ekonomik” punëtori  kjo e organizuar në kuadër të lehtësimit të barrierave tregtare për prodhuesit vendor.

Qëllimi kryesor i kësaj punëtorie është diskutimi mbi atë se çka përmban ky koncept dhe informimi më i hollësishëm i prodhuesve vendor rreth këtij koncepti.

Koncepti i Operatorëve të Autorizuar Ekonomik (OAE) u prezantua si një nga elementet kryesore të amendamentit të sigurisë të Kodit Doganor dhe të Akcizave të Kosovës.

Një OEA mund të përkufizohet si një operator ekonomik i cili konsiderohet i besueshëm, në kontekstin e procedurave doganore të tij dhe për këtë arsye ka të drejtë të gëzojë përfitime të caktuara në të gjithë Kosovën.

Programi OAE është i hapur për të gjithë operatorët ekonomikë, duke përfshirë ndërmarrjet e vogla dhe të mesme dhe pa marrë parasysh rolin e tyre në zinxhirin ndërkombëtar të furnizimit.

Punëtoria do të ketë të pranishëm përfaqësues nga Dogana e Kosovës të cilët do të shpjegojnë për pjesëmarrësit udhëzuesin mbi OAE, këshillat ligjore, informata se kush mund të bëhet OAE, cilat janë përfitimet e OAE-së, procesin e aplikimit dhe autorizimit, po ashtu edhe rreth informimit të dorëzimit të aplikacioneve të OAE-së.

Kryesues të kësaj punëtorie do të jetë Ibrahim Xhaka- Koordinator i Projektit në Doganën e Kosovës së bashku me ekipin e tij.

 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)