07 Shkurt 2023

Çmimet e naftës bien në 104,64 dollarë për fuçi

New York, 13 prill - Çmimet e naftës u luhatën sot pas ngërçit në bisedimet e paqes midis Rusisë dhe Ukrainës, ndërsa dobësimi i kërkesës në Kinë kufizoi rritjen e mëtejshme të çmimeve të energjisë.

Standardi ndërkombëtar i naftës së papërpunuar Brent ishte 104,47 dollarë për fuçi, 0,16 për qind më pak nga mbyllja e mëparshme prej 104,64 dollarë për fuçi.

Standardi i SHBA-së West Texas Intermediate (WTI) tregtohet me 100,42 dollarë për fuçi, pas mbylljes së mëparshme kur çmimi ishte 100,60 dollarë për fuçi.

Përshkallëzimi i tensioneve gjeopolitike në Evropën Lindore ngre shqetësime për mungesën e naftës, ndërsa politika e zero tolerancës së Kinës për rastet e COVID-19, e cila ka zgjatur karantinën në vend në 14 ditë, ka kontribuar në rreziqet e kërkesës.

Presidenti rus, Vladimir Putin, tha të martën se Ukraina kishte ndryshuar qëndrimin e saj pas bisedimeve të paqes në Stamboll të Turqisë muajin e kaluar, duke thënë se bisedimet tani ishin futur në një "rrugë qorre".

Rusia, një prodhuese e rëndësishme e naftës bruto, është e ekspozuar ndaj sanksioneve të vendosura nga Shtetet e Bashkuara të Amerikës dhe vende të tjera evropiane, gjë që ka ndikuar në furnizimet në tregun global.

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)