05 Tetor 2022

Çmimet e naftës arritën pikën më të lartë në disa vite

Washington, 12 tetor - Shtëpia e Bardhë vazhdon t’u bëjë thirrje vendet prodhuese të naftës që të "bëjnë më shumë" për të mbështetur rimëkëmbjen ekonomike globale, tha një zyrtar pasi çmimet e naftës së papërpunuar arritën pikën më të lartë në disa vite.

Zyrtari tha se administrata po monitoron nga afër koston e naftës dhe benzinës dhe është "duke përdorur çdo mjet në dispozicion për të adresuar praktikat anti-konkurruese në tregun amerikan dhe atë global të energjisë për të siguruar besueshmëri dhe qëndrueshmëri të tregut të energjisë".

Sipas zyrtarit, Shtëpia e Bardhë e ka ngritur shqetësimin me disa vende anëtare të Organizatës së Vendeve Eksportuese të Naftës, të njohur si OPEC dhe aleatët e tyre.

Çmimi i naftës së papërpunuar është në një nivel që nuk është parë që nga viti 2018, ndërsa çmimet e naftës së papërpunuar në SHBA arritën nivelet më të larta që nuk ishin parë që nga viti 2014 për shkak të një kombinimi faktorësh. Kërkesa për naftë në mbarë botën është rritur më shpejt nga sa ishte parashikuar dhe çmimet e larta të gazit natyror po bëjnë që disa vende të prodhojnë energjinë nga nafta.

Ndërkohë, OPEC-u ka mbajtur të njëjtin nivel të furnizimit që nga fillimi i pandemisë. Në një moment, ai ndërpreu më shumë se 10 milionë fuçi të furnizimit ditor nga tregu për shkak të kërkesës së ulët. Që nga korriku, OPEC-u ra dakord të rrisë prodhimin me 400,000 fuçi në ditë për të eleminuar gradualisht shkurtimet prej 5.8 milionë fuçi në ditë gjatë kulmit të pandemisë.

Grupi prodhues, i drejtuar nga Arabia Saudite, ka qenë i vëmendshëm ndaj shpërthimeve të valëve të koronavirusit që dëmtojnë kërkesën dhe ndaj financave të vendeve anëtare, të cilët përfitojnë nga çmimet më të larta.

Prodhimi i naftës në SHBA, i cili arriti kulmin pranë 13 milionë fuçish në ditë në fund të vitit 2019, mbetet shumë nën atë nivel edhe pse kërkesa ditore e karburantit është rikthyer në nivelet para-pandemisë.

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)