09 Shkurt 2023

Britania dhe Australia arrijnë marrëveshje për tregti të lirë

Londër, 15 qershor - Kryeministri i Britanisë së Madhe, Boris Johnson tha se marrëveshja tregtare e arritur midis Britanisë dhe Australisë shënon një "agim të ri".

"Marrëveshja jonë e re e tregtisë së lirë hap mundësi fantastike për bizneset dhe konsumatorët britanikë si dhe për të rinjtë që dëshirojnë të punojnë dhe jetojnë në anën tjetër të botës", tha Johnson.

"Kjo është më e mira e Britanisë globale, që shikon përtej dhe që arrin marrëveshje që thellojnë aleancat tona dhe ndihmojnë që çdo pjesë e vendit të ndërtohet më mirë pas pandemisë", shtoi ai.

Johnson dhe kryeministri australian Scott Morrison ranë dakord mbi kushtet e gjera të marrëveshjes tregtare gjatë darkës në Londër mbrëmë, tha ministri australian i Tregtisë, Dan Tehan.

Ai e përshkroi marrëveshjen një "fitore për vendet e punës, bizneset, tregtinë e lirë dhe që thekson atë që mund të arrijnë dy demokraci liberale teksa punojnë së bashku".

"Të dy kryeministrat kanë mbajtur një takim pozitiv në Londër brenda natës dhe kanë zgjidhur çështje të pazgjidhura në lidhje me Marrëveshjen e Tregtisë së Lirë", tha Tehan në një deklaratë.

Qeveria britanike ka nënshkruar një seri marrëveshjesh tregtare me disa vende, por marrëveshja e re e arritur me Australinë është e para që negociohet nga fillimi.

Marrëveshja pritet të rrisë vëllimin e tregtisë mes dy vendeve në mbi 28.2 miliardë dollarë.

 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)