05 Dhjetor 2022

BE-ja shënon deficit tregtar prej 2.8 miliardë dollarë

Bruksel, 18 mars - Deficiti i tregtisë së jashtme të Bashkimit Evropian shënoi rënie prej 2.6 miliardë euro (2.8 miliardë dollarë) në janar, krahasuar me 3.7 miliardë euro (4 miliardë dollarë) sa ishte në të njëjtën periudhë të vitit 2019.

Sipas Zyrës statistikore evropiane (Eurostat), vlerësimi i parë për eksportet e mallrave të 27 vendeve të BE-së në janar të vitit 2020 ishte 166.5 miliardë euro, me një rritje prej 0.4 për qind krahasuar me 165.8 miliardë euro në janar 2019.

Tregtia brenda 27 vendeve të BE-së ra në 255.3 miliardë euro në janar 2020, duke rënë për 0.9 për qind krahasuar me të njëjtë periudhë të vitit të kaluar.

"Importet nga pjesa tjetër e botës ishin 169.0 miliardë euro, duke rënë me 0.2 për qind krahasuar me 169.3 miliardë euro sa ishin në janar 2019", thuhet më tej.

SHBA-ja ishte partneri kryesor tregtar i bllokut, me 19.7 miliardë euro importe nga BE-ja dhe 31.2 miliardë euro të eksporteve në muaj.

Sipas vëllimit të eksportit, Britania e Madhe, Kina, Zvicra dhe Rusia, radhiten pas SHBA-së, tha Eurostat.

Kina ishte burimi kryesor i importeve të BE-së me 34.6 miliardë euro, e ndjekur nga SHBA-ja, Britania, Rusia dhe Zvicra.

Bilancet e tregtisë nga një vend në vend treguan se BE-ja pësoi deficitin më të madh me Kinën, rreth 19.5 miliardë euro, kurse tepricën më të lartë me SHBA-në, 11.6 miliardë euro në të njëjtën periudhë.

Ndërkohë, në janar deri në dhjetor 2019, BE-ja regjistroi një tepricë prej 197.1 miliardë euro, krahasuar me 152.3 miliardë euro gjatë të njëjtës periudhë të vitit 2018.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)