04 Tetor 2022

BE do të zbatojë edhe embargon e naftes dhe gazit kundër Rusisë

Bruksel, 21 prill - Presidenti i Këshillit Evropian, Charles Michel ka bërë me dije se embargoja e naftës dhe gazit natyror të BE-së kundër Rusisë me siguri do të zbatohet sa më shpejt që të jetë e mundur.

Pas vizitës në Borodyanka, ku Ukraina ka siguruar përsëri kontrollin, Charles Michel mori pjesë në konferencën për shtyp menjëherë pas takimit që pati këtu me presidentin ukrainas Zelenski.

"Këto janë të gjitha barbari, janë të gjitha krime. Ata duhet të ndëshkohen dhe do të ndëshkohen për këtë", vuri në dukje Michel dhe siguroi se janë të vendosur të bëjnë gjithçka që është e mundur për të mbështetur Ukrainën, sepse duan fitoren e Ukrainës.

Michel ka theksuar se BE-ja ka dhënë garanci se do të jetë në krah të Ukrainës.

"Deri më sot kemi marrë shumë masa konkrete. Ato nuk janë të mjaftueshme, prandaj vazhdojmë të punojmë për të rritur presionin mbi Rusinë",- siguroi Presidenti i Këshillit të Bashkimit Evropian.

Lidhur me anëtarësimin e plotë të Ukrainës në BE, Charles Michel tha se “nuk është sekret” që brenda unionit ka mendime të ndryshme për këtë proces, dhe ky është gjithashtu një proces politik dhe juridik.

Michel ka theksuar se Komisioni Evropian duhet të deklarojë opinionin e tij në fund të qershorit dhe pas këtij procesi ai do të nisë personalisht procesin e vlerësimit.

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)