06 Dhjetor 2022

Vullkani ndalon një të tretën e fluturimeve në Evropë

Bruksel, 16 prill - Shpërthimi i ri i vullkanit në akullnajën Eyjafjalle në Islandë ka shkaktuar kufizim të trafikut ajror evropian. Hiri vullkanik i cili është shtrirë përgjatë Atlantikut ditën e sotme, ka detyruar anullimin e fluturimeve në Britani, dhe ndërprerjen e fluturimeve në Europën e Veriut, duke lënë mijëra pasagjerë në pritje.

Eurocontrol, Autoriteti evropian i kontrollit për sigurinë e fluturimeve, ka bërë të ditur se në të gjithë Evropën janë ndaluar rreth e treta e fluturimeve. Në Evropë ka rreth 28.000 fluturime në ditë.

Nga frika e pengesave të shkaktuara nga hiri në atmosferë dhe të dëmtimeve të mundshme tek motorët e avionëve në aeroportet e Britanisë së Madhe janë anulluar fluturimet deri në orën 19:00 sipas orës lokale.

E prekur është edhe hapësira ajrore e shteteve të Beneluksit dhe pjesë të Gjermanisë veriore dhe perëndimore. Në Gjermani u anulluan rreth 300 fluturime.

Të prekura janë edhe pjesë të Skandinavisë. Në kryeqytetin Rejkjavik të Islandës është raportuar se mund të llogaritet një zgjerim i ndalimit të udhëtimeve ajrore deri në rajonet veriperëndimore të Rusisë. Retë e hirit vullkanik lëvizin me shpejtësi 35 km/orë në drejtimin juglindor.

Kjo masë prek aeroportin më të ngarkuar të Europës, Hethrow në Londër, si dhe aeroportet e tjera, Gatwik dhe Standset.

Në aeroportin Heatrow, kryhen 1,200 fluturime në ditë, ose kalojnë rreth 180 mijë pasagjerë në 24 orë. Paul Haskins nga Shërbimi i kontrollit ajror në Swanwik, tha se hiri vullkanik mund të shkaktojë dëme serioze tek motorët e avionëve.

“Hiri vullkanik është shumë i rrezikshëm për aeroplanët. Nëse hyn në motorin e avionit mund të shkatojë probleme dhe ta prishë atë.” - thotë ai

Linja ajrore Ryanair ka mbyllur të gjitha fluturimet në Irlandë, por tha se do të përpiqet të operojë me disa fluturime në jug të vendit. Linja ajrore kombëtare irlandeze anulloi 40 fluturime nga Dublini, Cork, Shannon, dhe Belfast. Dhe linja ajrore e Emirateve ka ndaluar 10 fluturime vajtje ardhje mes Dubait dhe Britanisë, si pasojë e hirit vullaknik.

Në veri të Suedisë të gjitha fluturimet ajrore janë pezulluar në qytetet Skelleftea, Lulea, Kiruna dhe Hemavan. Gjithashtu fluturimet janë ndaluar dhe në veri të Finlandës.

Qindra njerëz janë larguar nga përmbytjet e shkaktuar nga shpërthimi i vullkanit nënakullnajor, i cili shpërtheu dje për herë të dytë në më pak se një muaj.

Nga vërshimi i ujrave nga malet, niveli i lumenjve është shtuar deri në 3 metra gjatë natës së mbrëmshme.

Reja e hirit vullkanik nuk ka ndërprerë veprimet në aeroportin e Islandës Keflavik, si dhe nuk ka shkatuar probleme në kryeqytetin e vendit Rejkjavik, por sipas meteorologëve,  ka shkaktuar probleme në zonën juglindore të vendit.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)