25 Tetor 2021

Vazhdon kthimi i kontrolluar i qytetarëve nga jashtë

Prishtinë, 21 prill - Ministri i Infrastrukturës dhe Ambientit, Lumir Abdixhiku sot ka dhënë informacione të hollësishme rreth kthimit të vazhdueshëm të qytetarëve të Republikës së Kosovës, nga vendet e tjera.

Për një muaj, janë realizuar fluturime të organizuara dhe plotësisht të kontrolluara nga Gjermania, Anglia, Zvicra e Turqia. Ndërsa përmes kthimit tokësor, në bashkëpunim me Ministrinë e Punëve të Brendshme dhe Administratës Publike, janë kthyer qytetarë nga Kroacia, Sllovenia, Mali i Zi dhe Shqipëria.

Përderisa të hënën janë kthyer nga Zvicra 106 shtetas kosovarë, ministri Abdixhiku ka informuar se gjatë ditës së sotme, do të kthehen edhe 120 qytetarë nga Turqia.

Më tutje, kreu i MIA-s, bëri të ditur se gjatë kësaj jave do të realizohen edhe tri fluturime të tjera. Nga Gjermania do të kthehen 50 shtetas të Kosovës, nga Polonia dhe Çekia, 16 studentë dhe nga Liberia, një punëtor që ka mbetur atje.

Bashkë me ministritë e tjera relevante, ministri Abdixhiku tregoi për përpjekjet maksimale të kthimit të 100 shtetasve nga Shtetet e Bashkuara të Amerikës.

Krahas këtij angazhimi për kthim të qytetarëve me emergjenca shëndetësore dhe vështirësi qëndrimi, Abdixhiku u bëri thirrje qytetarëve që të mos kërkojnë kthimin e tyre në Kosovë, përveç rasteve emergjente, për shkak të kapaciteteve në Qendrën e Studentëve, që po shërben si karantinë.

Përveç informacione rreth koordinimit të kthimit të qytetarëve në vend, ministri Abdixhiku, tha se në vazhdimësi janë duke u kryer angazhimet e tjera të MIA-s. Mirëmbajtja verore e rrugëve ka filluar dhe përveç pastrimit dhe sanimit, ato janë edhe duke u dezinfektuar.

Ndërkaq tregoi edhe rreth uljes së përqindjes së Azotit nëpër komunat e Kosovës, deri në 50%.

Në ditën ndërkombëtare të Tokës (22.04.2020), Abdixhiku tha se do të shpërndahen material elektronike promovuese për ngritje të edukimit dhe ndërgjegjësimit të qytetarëve, pa ndonjë aktivitet tjetër, si pasojë e situatës.

 

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)