18 Qershor 2021

Spanja planifikon t'i bëjë me pagesë të gjitha autostradat deri në 2024

Madrid, 7 maj - Qeveria e Spanjës ka përgatitur një plan sipas të cilit të gjitha autostradat në vend do të bëhen me pagesë nga viti 2024.

Plani i përgatitur nga Ministria e Transportit e Spanjës tashmë i është dorëzuar Komisionit Evropian.

Sipas planit parashikohet pagesë për përdorimin e të gjitha autostradave me dy ose tre korsi nga 2024, për të siguruar fondet e nevojshme për të mirëmbajtur rrjetin rrugor të gjatë 14.000 kilometra në të gjithë vendin.

Sipas mediave spanjolle, tarifat për përdorimin e autostradave nuk janë përcaktuar ende, por është e mundur që të tarifohen një deri në pesë cent për kilometër.

Mediat spanjolle thonë se pagesa në autostradën Madrid-Barcelona prej 621 kilometrash mund të lëvizë midis 6,21 euro dhe 31,05 euro.

Zyrtarët e Ministrisë së Transportit thanë se ata kishin kërkuar modele të përshtatshme në vitet e fundit për të mbuluar kostot e mirëmbajtjes së rrugëve, duke shtuar se ata panë një zgjidhje në pagesat e ulëta rrugore.

Pere Navarro, drejtori i Agjencisë së Trafikut, deklaroi se mirëmbajtja e autostradave paguhet në të gjithë Evropën.

"Kur përdorni një tren, ju paguani. Ata që përdorin autostrada gjithashtu duhet të paguajnë. Shërbimet e infrastrukturës duhet të paguhen. Kjo është një çështje shtetërore. Të gjithë duhet të bien dakord për këtë. Ne nuk mund të kërkojmë fonde nga buxheti për mirëmbajtjen e autostradave", deklaroi Navarro.

Plani i qeverisë për pagesë për të gjitha autostradat shkaktoi reagim të ashpër nga partitë e opozitës, por edhe nga publiku spanjoll.

Në Spanjë, në varësi të administratave autonome, taksat paguhen tashmë në disa autostrada, kryesisht në pjesën veriore të vendit.

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)