03 Gusht 2021

Sindikata kërkon nga Kuvendi që urgjentisht të shkarkojnë e Bordit të RTK-së

Prishtinë, 10 qershor - Sindikata e Pavarur e RTK-së (SPRTK), në përbërje të kryetarit Fadl B.Hoxha, nënkryetarës Albana Murseli si dhe anëtarëve të kryesisë, Milot Ibrani dhe Fiorda Domi, është takuar sot me u.d.  kryesuesen e grupit parlamentar të VV-së, Mimoza Kusari Lilën si dhe kryetaren e Komisionit Parlamentar për Medie, Doarsa Kica Xhelilin.

Në kuadër të këtij takimi, përfaqësuesit sindikal i njoftuan znj. Lila dhe Kica me gjendjen e rëndë në Transmetuesin Publik si pasojë e paligjshmërive të shumta duke filluar nga përzgjedhja e drejtorit gjeneral, pengimi  i Auditorit kombëtar në auditimin e pasqyrave financiare të RTK-së, punësimet dhe avancimet pa kontrollë e pa kritere etj.

Sindikalistët i ofruan si dëshmi zonjës Lila dhe Kica një kopje të vendimit të Inspetkoratit të Punës në të cilën thuhet se Bordi i RTK-së dhe drejtori gjeneral i saj e kanë zgjedhur në mënyrë të paligjshme drejtorin e Shërbimeve të Përbashkëta në RTK.

Përfaqësuesit sindikal kërkuan nga deputetja Lila që urgjentisht t’i nisin procedurat për shkarkimin e Bordit të RTK-së i cili ka dështuar t’i kryej detyrat e punës konform ligjit dhe rregulloreve të RTK-së.

Në kuadër të këtij takimi nga sindikalistët u kërkua që të trajtohen me prioritet çështjet e pazgjidhura siç janë prona, objekti dhe ligji i ri për Transmetuesin Publik.

 

Kalendari

Ngjarjet e datës 4 Gusht 2021

- Komisioni për Buxhet, Punë dhe Transfere shqyrton Projektligjin për ratifikimin e Amendamentit  të Marrëveshjes të lidhur ndërmjet Qeverisë së Republikës së Kosovës dhe Qeverisë Hungareze në lidhje me Programin Kornizë për bashkëpunim financiar. (Ndërtesa e Kuvendit, salla C203, ora 10:00)

- Komisioni për Ekonomi, Industri, Ndërmarrësi dhe Tregti shqyrton nismën legjislative “Projektligji për kriptovaluta”. (Ndërtesa e Kuvendit, salla N506, ora 13:00)

- Mbahet ceremonia inaguruese e Qendrës së parë për Arsim në Distanë. (Rr. "Rexhep Mala" nr. 49, Prishtinë, përballë ICK -së, ora 18:30)