06 Dhjetor 2022

Qeveria: PTK duhet ta paguaj dividenten prej 80 milion euro

Prishtinë, 13 maj - Qeveria e Republikës së Kosovës, ka zhvilluar Mbledhjen e 124-të, të rregullt, në të cilën, në cilësinë e ushtruesit të ligjshëm të drejtave të aksionarit  të Republikës së Kosovës në ndërmarrjen publike “Posta dhe Telekomi i Kosovës”., ka vendosur që ministri i Ekonomisë dhe Financave, në rolin e kryesuesit të Komisionit  Ndërministror për Ndërmarrjet Publike,të kërkoj nga PTK dhe Bordi i saj i Drejtorëve që të deklarojë dhe paguaj e dividendës së realizuar gjatë viti 2009, në vlerë prej 80 milion euro.

Bordit të PTK-së, gjithashtu i rekomandohet që të ngrijë ngritjen e të ardhurave personale për të gjithë të punësuarit në të gjitha nivelet e kësaj kompanie, të ngrijë punësimin në këtë kompani si dhe të ndalojë realizimin e projekteve dhe shpenzimeve jashtë planit zhvillimor të kompanisë.

Në funksion të ruajtjes dhe rritjes së vlerës së PTK-së, qeveria i ka rekomanduar Autoritetit Rregullativ të Telekomunikacionit, që në pesë vitet e ardhshme të mos licencojë operator tjerë të telefonisë mobile në Kosovë.   

Qeveria po ashtu ka aprovuar Projektligjin për Këshillin Gjyqësorë të Kosovës dhe Projektligjin për Qasje në Dokumente Publike si dhe një varg vendimesh nga fushë veprimi dhe kompetencat kushtetuese të saj.

Në kuadër të Agjendës Evropiane, qeveria ka diskutuar për kontributin  e institucioneve të  Kosovës për Raportin e Progresit 2010. Raporti i Progresit është pjesë e përgatitjes së pakos së zgjerimit të Komisionit Evropian që publikohet çdo fund vit për vendet e Ballkanit Perëndimor, që përfshinë edhe Raportin e Progresit për Kosovën. Kjo është periudha më e rëndësishme kur Kosova mund të pasqyroj zhvillimet e gjithëmbarshme në rrugën e saj drejt integrimit në familjen Evropiane, si dhe periudha e veprimeve konkrete të paraqitjes së pasqyrës gjithëpërfshirëse të zhvillimeve pozitive në Kosovë. Institucionet e Kosovës duhet të dorëzojnë kontributet e veta për raportin e progresit deri më 15 qershor, ndërsa me 6 korrik në takimin plenar të Stabilizim Asociimit do të diskutohen nga institucionet dhe nga Komisioni Evropian dhe deri më 1 tetor duhet të adresohen çështje të ndryshme për plotësimin e raportit.

Qeveria e Kosovës ka aprovuar Projektligjin për Këshillin Gjyqësorë të Kosovës i cili do të sigurojë pavarësinë e sistemit gjyqësorë në punën e tij dhe do të sigurojë edhe qasjen e të gjithë qytetarëve në sistemin e drejtësisë në Kosovë. Projektligji është edhe pjesë e reformimit dhe progres në përmbushjen e hapave drejt integrimit evropian.

Edhe Projektligjit për Qasje në Dokumente Publike ka marr aprovimin e Qeverisë së Kosovës në mbledhjen e sotme. Qëllimi i këtij projektligji është që qytetarët e Republikës së Kosovës të kenë mundësinë e qasjes në dokumente publike dhe të marrin pjesë në procesin vendimmarrjes së institucioneve publike dhe shtetërore. Projektligji  garanton gjithashtu edhe  legjitimitet dhe transparencë të institucioneve që të jenë më efikase dhe më llogaridhënëse ndaj qytetarëve të Kosovës. Ai krijon rregullat që mundësojnë ushtrimin sa më të lehtë të kësaj të drejte dhe nxitë praktika të mira administrative për qasjen në dokumente publike. 

Në mbledhje është aprovuar edhe vendimit për shpronësimin e pronave të paluajtshme në rrugën M9 nga Fushë Kosova deri në Arllat, në një sipërfaqe prej më se 31 hektarësh, në rrugën M2 nga Prishtina deri në Mitrovicë, në një sipërfaqe prej më se 10 hektarësh dhe ngastrës 7497 sipas fletës poseduese Nr. 6590 në zonën kadastrale në Prishtinë (te rrethi i madh rrotullues), në një sipërfaqe prej 16 ari. 

Me aprovimin e vendimit për ndarjen e mjeteve financiare për ngritjen e Njësisë për menaxhimin e projektit “Hidrocentrali Zhur” dhe këshilltarëve të transaksionit, qeveria ka vendosur të bëjë hapin konkret në drejtim të realizimit të projektit për ndërtimin e këtij hidrocentrali. “Hidrocentrali Zhur” është një nga projektet më serioze në ndërtimin e kapaciteteve për prodhimin e energjisë së ripërtritëshme në Kosovë.    

Në mbledhjen e sotme është aprovuar lista e anëtarëve të Bordit këshillues për Mbrojtjen e Mjedisit, që t’i dërgohet Kuvendit të Kosovës për emërim dhe është aprovuar edhe vendimi për formimin e Këshillit për planifikim hapësinor dhe anëtarët e këtij këshilli.   

Qeveria e Kosovës, sot ka aprovuar edhe vendimet për të mbështetur financiarisht garat e matematicientëve të rinj në Kosovë, për pjesëmarrje në olimpiadën e matematicinetëve të rinj, si dhe ka aprovuar vendimin për të mbuluar shpenzimet e shërimit jashtë vendit për deputetin Ali Lajçi. 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)