07 Shkurt 2023

Punonjësit e Aeroportit të Parisit sot në grevë, anulohen fluturimet

Paris, 9 qershor - Rreth një e katërta e fluturimeve nga aeroporti kryesor i Parisit do të anulohen sot nga mëngjesi deri në pasdite për shkak të grevës së punonjësve që kërkojnë paga më të larta.

Për arsye të mungesës së stafit shkaku i grevës, Drejtoria e Përgjithshme e Aviacionit Civil (DGAC) u ka kërkuar kompanive të fluturimit të reduktojnë fluturimet e tyre nga ora 07:00 e mëngjesit deri në orën 14:00 pasdite.

Operatori i aeroporteve ‘Aeroportet de Paris’ (ADP) po ashtu ka paralajmëruar për zgjatjen e kohës së pritjes në aeroportet ‘Charles de Gaulle’ dhe ‘Orly’ për shkak të mungesës së stafit.

‘Le Figaro News’ raportoi se kompania ajrore ‘Air France’ ka anuluar 85 fluturime me distanca të shkurtra dhe të mesme, si dhe ka ri-planifikuar fluturime me distanca të gjata për të përmbushur kërkesat e DGAC-it.

Sindikatat e punëtorëve kanë bërë thirrje për grevë për të kërkuar një rritje të pakushtëzuar të pagave për 300 euro për të gjithë 80 mijë punonjësit në aeroportin ‘Roissy’.

"Punëdhënësit po mbyllin derën për negociatat serioze të pagave dhe vazhdojnë të ulin sistematikisht koston e punës", thuhet në njoftimin nga sindikatat që justifikojnë grevën

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)