04 Shkurt 2023

Posta lanson pullen postare “Paqe globale”

Prishtinë, 20 qershor - Filatelia e Postës së Kosovës, sot lëshon në qarkullim emisionin e jashtëzakonshëm të pullës postare me titull “Paqe globale”, për të promovuar vlerën e paqes, ndonëse shteti i Kosovës pati një rrugëtim të gjatë e të përgjakur me luftëra e sakrifica shekullore derisa e fitoi lirinë.

Kur UNESCO-ja në vitin 1945, pas luftërave që përgjakën botën, parashtroi dilemën se ‘’Çfarë mund të bëjmë për të promovuar paqe në botë?’’, populli shqiptar endej rrugëve të botës nga dyndjet e spastrimet etnike për të gjetur paqe gjetiu.

Populli ynë ëndërrojë dhe u përpoq me shekuj duke ruajtur paqen në mes njerëzve për të mos dalluar etninë, përkatësinë fetare, racore e gjuhën e secilit, për të zgjidhur dilemën e parashtruar se: Çelësi i botës ku duam të jetojmë në paqe së bashku është pranimi i dallimit në mes të njerëzve, sepse diversiteti e bën botën edhe më të bukur, prandaj ne duhet të kemi aftësinë për të dëgjuar, njohur, respektuar dhe vlerësuar të tjerët, pa dallim.

Që jetës sonë t’i japim kuptim dhe ta plotësojmë boshllëkun që kemi përbrenda, na mjafton të pyesim: E unë, ç ‘bëj për t’i dhuruar pakëz paqe kësaj bote gjithnjë në luftë?

Kësaj pyetjeje i përgjigjet e madhja jonë Nënë Tereza kur thotë: “Të duash do të thotë të bësh gjëra të vogla me dashuri të madhe.” 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)