17 Maj 2021

Posta emeton pullat postare “Pranvera shqiptare ‘81”

Prishtinë, 2 prill - Filatelia e Postës së Kosovës, nga sot ka emetuar pullën e personalizuar për shënimin e manifestimit “Pranvera shqiptare ‘81”, për nder të 40-vjetorit të organizimit të Demonstratave të studentëve shqiptarë të Kosovës.

Promovimi i kësaj pulle postare u bë sot përgjatë aktivitetit të organizuar nga Shoqata e ish të Burgosurve Politikë e Kosovës që shënuan 40-vjetorin e kësaj ngjarje historike, në amfiteatrin e kino ABC-së në Prishtinë, para ish të burgosurve politikë që ishin protagonistët e demonstratave të ’81-shës dhe pjesëmarrësve të tjerë.

Në fjalimin e tij, Kryeshefi Ekzekutiv, Xhevdet Smakiqi ndër të tjera tha: “ Ndjehem i privilegjuar por edhe i emocionuar të flasë para shumë heronjve të gjallë, protagonistë të Pranverës Shqiptare, që sot janë këtu me ne. Me pullën Postare që simbolizon sakrificën tuaj jetësore, mburremi të gjithë në Postën e Kosovës. Jehona e Pranverës 1981 është e gjallë, ajo është kudo ku ka shqiptarë!”

Përmes kësaj pulle postare, Posta e Kosovës nderon historinë moderne të Republikës së Kosovës, ngjarjen kulmore pas Luftës së Dytë Botërore, e cila ngriti studentët dhe popullin në demonstrata të përgjithshme, si përgjigje ndaj pushtetit komunist e shtypës të ish Jugosllavisë.

Demonstratat e studentëve, shpërthyen në mensën e ushqimit në Prishtinë, më 11 marsi 1981, të cilat morën karakter gjithë popullor në tërë Kosovën, ndërsa ato u shtypën brutalisht nga regjimi kriminel ish jugosllav dhe pasuan me burgosjen e studentëve organizatorë, disa profesorë e mijëra qytetarë të tjerë.

Populli i Kosovës do t’u mbetet përjetësisht mirënjohës plejadës së ish të burgosurve politik, të cilët me sakrificën e tyre, mbollën atdhedashurinë tek masat e gjera popullore liridashëse për të lindur më vonë në vitet e 90-ta, Ushtrinë Çlirimtare të Kosovës, në krye me Komandantin Legjendar, Adem Jashari.

Në këtë ceremoni, Kryeshefi Ekzekutiv, Xhevdet Smakiqi falënderoi organizatorët nga Shoqata e ish të Burgosurve Politikë e Kosovës dhe në shenjë mirënjohje për kontributin e tyre, disa figurave eminente të Pranverës Shqiptare ’81, iu dhuroi pullën postare të punuar në bronz me imazhin dedikuar kësaj ngjarje historike.

Kalendari

Ngjarjet e datës 17 Maj 2021

- Ministria e Mjedisit, Planifikimit Hapësinor dhe Infrastrukturës organizojnë javën e gjashtë Globale e Sigurisë Rrugore. (Pallati i Rinisë dhe Sporteve, para New Born, ora 10:00)

- Mbahet seanca gjyqësore kundër të pandehures Dragana Janiçeviç për Kultivimi i bimës së hashashit, shkurres së kokainës ose bimëve të kanabisit. (Gjykata Themelore në Ferizaj, ora 10:00)

- Kuvendi i Kosovës mban seancë të jashtëzakonshme në të cilën do të diskutohet prezantimi i Programit të Qeverisë së Republikës së Kosovës për vitet 2021-2025. (Kuvendi i Kosovës, ora 10:00)

- Kryetari i Komunës së Prizrenit, Mytaher Haskuka do të vizitojë Shërbimin e Urgjencës, i cili është furnizuar me dy autoambulanca të reja. (Shërbimi i Urgjencës në Prizren, ora 10:30)

- Mbahet seanca gjyqësore kundër të pandehurit Visar Krasniqi për Keqpërdorimi dhe mashtrimi ne prokurorimin publik. (Gjykata Themelore në Ferizaj, ora 11:00)

- Rrjeti i OJQ-ve Avonet mban konferencë për media në të cilën do të prezantoj projektin “Hapësirat e gjelbëra dhe shtatorja e Presidentit të Shteteve të Bashkuara të Amerikës Joe Biden”. (Objekti e Galerisë, ish-objekti i TMK-së, rruga “Ramadan Rexhepi” Ferizaj, ora 11:00)  

- Universiteti i Shkencave të Aplikuara në Ferizaj organizon aktivitetin 3 ditor “Open Doors”, për të rinjtë e Kosovës dhe më gjerë, të cilët ende nuk kanë bërë zgjedhjen e profesionit të tyre. (Objekti i Universitetit, ora 11:00)

- Organizata Kosovo Center for Peace mban konferencë për medie në lidhje me raportin e Departamentit Amerikan. (Xhamia “Bedri Kamberi” në Prishtinë, ora 11:00)

- Kolektivi për Mendim dhe Veprim Feminist do të mbajë protestë kundrejt neglizhimit të sigurisë së vajzave dhe mungesën e politikave të mirëfillta të edukimit, të cilat janë duke e mirëmbajtur patriarkalitetin i cili po rezulton të jetë i dhunshëm për vajzat brenda dhe jashtë institucioneve shkollore. (Pranë Ministrisë së Ministrisë së Arsimit, Shkencës, Teknologjisë dhe Inovacionit, ora 12:00)

- BIRN dhe Internews Kosova mbajn konferencë në të cilën do të prezantohet Raporti “Përkëdhelja e korrupsionit” i cili ka në fokus analizimin e politikës ndëshkimore në rastet e korrupsionit të shqiptuara nga gjykatat e Kosovës gjatë vitit 2020 dhe gjithashtu analizimin e përformancës së gjyqësorit në trajtimin rasteve të korrupsionit. (Pallati i Drejtësisë, Objekti A, Salla e Konferencave, ora 13:00)

- Mbahet mbledhja e Kryesisë së Kuvendit në të cilën do të shqyrtohet kërkesa për interpelancë me ministrin e Ministrisë së Financave, Punës dhe Transfereve, Hekuran Murati në lidhje me “Uljen e shtesave të pensionistëve, stafit shëndetësor dhe institucioneve të sigurisë”. (Ndërtesa e Kuvendit, salla C 301, ora 13:00)

- Nën organizimin e Drejtorisë së Administratës, do të mbahet dëgjimi publik për “Draft-Rregulloren për Organizimin dhe Bashkëpunimin e Komunës me fshatrat, Vendbanimet dhe Lagjet Urbane në territorin e Komunës së Prizrenit”. (Salla e mbledhjeve të Kuvendit Komunal në Shtëpi të Bardhë, ora 13:00)  

 

- Drejtori I Përgjithshëm mbajn një Konferencë për shtyp. (Drejtoria e Doganës, Prishtinë, ora 18:00)