22 Shtator 2021

Nis asfaltimi i rrugës në lagjen “Fidanishtja” me kosto 1.1 milion euro

 Gjilan, 13 korrik - Kryetari i Komunës së Gjilanit, Lutfi Haziri, ka përcjellur nga afër punimet në infrastrukturë publike, që janë duke u bërë në lagjen “Fidanishte”, me kosto 1.1 milionë euro, pas përfundimit të infrastrukturës në lagjen “Fitorja”, për të filluar pastaj menjëherë me investimet në lagjen tjetër të Gjilanit të Ri, në lagjen “Monteith”, që do të punohet me standard modern.

 “Sot ka nisur asfaltimi i rrugës kryesore në lagjen “Fidanishte”, për të vazhduar pastaj me rrugët përcjellëse që gjithashtu do të përmbyllen me gjithë infrastrukturën përcjellëse. Në këtë rrugë është bërë tashmë rrjeti i ri i kanalizimit, ujësjellësit, rrjeti i ri kabllor, për ta finalizuar pastaj me asfaltimin që është duke u bërë sot”, ka thënë kryetari Haziri.

Haziri ka njoftuar, po ashtu, se lagjet e Gjilanit të ri janë fokus i investimeve krahas edhe programeve infrastrukturore nëpër fshatrat dhe lagjet e komunës që janë njëkohësisht duke vazhduar me punime.

 “Pas investimeve që janë bërë në lagjen “Fitorja”, ku është investuar me gjithë infrastrukturën nëntokësore, sot jemi në lagjen “Fidanishtja” dhe shumë shpejtë fillojnë punimet edhe në lagjen “Monteith” për ta bërë kompletimin e infrastrukturës në këto tri lagje të qytetit të ri të Gjilanit. Të gjitha programet dhe prioritetet janë duke u realizuar dhe tashmë problemet në infrastrukturë janë kah përfundimi dhe në këtë format është investuar edhe nëpër fshatra dhe lagje tjera, të cilat tashmë qytetarët i shohin në vazhdimësi”, tha Haziri, derisa u kërkoi qytetarëve mirëkuptimin për pengesat që mund t'i kenë gjatë punimeve.

Ai ka thënë se “Fidanishtja” do të jetë lagja më atraktive, jo vetëm për banorët, por edhe për bizneset dhe zhvillimin, derisa ka kërkuar që peshat mbi 3.5 ton, të mos futen nëpër rrugët e qytetit, sepse po krijojnë pengesa dhe vështirësi në komunikacion.

"Investimi i infrastrukturës është duke u bërë nëpër këto lagje dhe projekte në përgjegjësi 100 për qind nga Komuna e Gjilanit dhe buxheti vetanak me qeverinë, kurse investimet i garantojmë për pronarët e tokave që janë pjesë e zhvillimit lokal ekonomik në Komunën tonë", tha ai.

Drejtori i Shërbimeve Publike, Naser Korça, ka thënë se ky projekt dhe shumë të tjera janë aktive në Gjilan dhe po punohet vazhdimisht që infrastruktura publike të jetë gjithnjë e më e mirë që nga rrjeti i ujësjellësit, kanalizimi, asfaltimet, trotuaret, parqet, gjelbërimi dhe ndriçimi publik, të përcjella edhe me investime të tjera të shumta në këtë drejtim.

Përndryshe, projektet në të cilat Komuna e Gjilanit është duke punuar në këtë vit, janë të shumta dhe kalojnë shifrën e 100 projekteve aktive të cilat monitorohen vazhdimisht deri në përfundimin e tyre, për t'u shfrytëzuar pastaj nga qytetarët.

Kalendari

Ngjarjet e datës 22 Shtator 2021

- Ministri i Shëndetësisë, Arben Vitia, raporton në Komisionin për Shëndetësi dhe Mirëqenie Sociale për menaxhimin e situatës me Covid-19. (Ndërtesa e Kuvendit, salla N302, ora 10:00)

- Ministria e Mjedisit, Planifikimit Hapësinor dhe Infrastrukturës në bashkë organizim me Komunën e Prishtinës, Policinë e Kosovës, OJQ-të shënojnë “Ditën Ndërkombëtare pa Makina”. (Para ndërtesës së Qeverisë, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton formon grupin punues për Projektligjin për Gjykatën Komerciale, shqyrton raportet e Komisioneve të përhershme  për Projektligjin për ndryshimin dhe plotësimin e Ligjit për përgjegjësinë disiplinore të gjyqtarëve dhe prokurorëve, etj,. (Ndërtesa e Kuvendit, salla N204, ora 10:00)

- Kryetari i Kuvendit të Republikës së Kosovës, Glauk Konjufca, pret në takim kryetaren e Kuvendit të Shqipërisë, Lindita Nikolla. (Kabineti i kryetarit, ora 10:00)

- Mbahet takimi i 203-të i Këshillit Prokurorial të Kosovës. (Përmes formës online, ora 10:00)

- Komisioni për Mbikëqyrjen e Financave Publike shqyrton rekomandimet e dala nga raporti i auditimit të performancës “Parandalimi dhe reagimi i situatave emergjente: Vërshimet”, etj. (Ndërtesa e Kuvendit, salla N10, ora 12:00)

- Komisioni për Buxhet, Punë dhe Transfere shqyrton Raportin vjetor financiar të Agjencisë Kosovare të Privatizimit, raportin vjetor Financiar i Agjencisë Kosovare për Krahasim dhe Verifikim të Pronëssi dhe Raportin vjetor Financiar i Institucionit të Avokatit të Popullit. (Ndërtesa e Kuvendit, salla C203, ora 13:00)

- Komisioni për Mbikëqyrjen e Agjencisë së Kosovës për Inteligjencë bën rishikimin e Planit të punës së Komisionit për sesionin vjeshtor. (Ndërtesa e Kuvendit, salla N302, ora 13:00)

- Instituti Kosovar për Kërkim dhe Zhvillim i Politikave dhe Qendra Kosovare për Studime të Sigurisë në bashkëpunim me Programi i Universitetit Columbia për Ndërtimin e Paqes dhe të Drejtat e Njeriut organizojnë një konferencë me temë 'Sfidat e Kosovës që vijnë Rusia dhe Kina' me Holden Triplett Agjenti Special i FBI -së dhe Drejtor për Kundërzbulimin në Këshillin e Sigurisë Kombëtare, ret. (https://zoom.us/j/98242813908?pwd=cFBiZGdMV3pRTTV3RDJBbTE5UEtVQT09, ora 16:00)