04 Tetor 2022

Nis asfaltimi i rrugës kryesore në Pogragjë

 Gjilan, 28 gusht - Kryetari i Komunës së Gjilanit, Lutfi Haziri, gjatë inspektimit të fillimit të asfaltimit të rrugës kryesore në fshatin Pogragjë, ka thënë se bashkëpunimin trepalësh mes Komunës, Këshillit të Fshatit dhe shoqatës “Pogragja” me seli në Zvicër, kanë bërë që investimet publike të bëhen në mënyrën më të mirë të mundshme.

“Pogragja është fshati model i organizimit, i investimeve dhe përkushtimit me traditë ndaj pronës publike dhe mirëmbajtjen e saj. Koordinimi i jashtëzakonshëm që ka Këshilli i fshatit dhe kontributin e pazëvendësueshëm që e jep shoqata “Pogragja”, janë shembuj për t’u ndjekur nga të gjitha vendbanimet."

"Përpos asfaltimit të rrugës kryesore, planifikimi i komunës ka paraparë edhe projektin rekreativ të lumit Llapushnica, hapjen e Kalasë së Pogragjës dhe trajtimin e lumit Morava në kuadër të projektit të madh Flows, që përfshinë tri komuna. Fshtarat model si Pogragja, Dobërqani, Zhegra, Cërrnica, Llashtica, Bresalci, Malisheva, Përlepnica, Velekinca, Livoci i Epërm, Livoçi i Poshtëm dhe të gjitha vendbanimet, do të investohet në Model Fashtin në kuadër të programit të Familjes”, ka thënë mes tjerash kryetari Haziri.

Kryetari i Këshillit të Fshatit Pogragjë, Arton Fetahu, ka falënderuar kryetarin Haziri për projektin dhe investimet e vazhdueshme që janë bërë dhe falë mbështetjes së Komunës së Gjilanit me këtë projekt tashmë është bërë realitet rruga kryesore që ishte edhe kërkesë e vazhdueshme e shoqatës “Pogragja”.

“Pogragja po bëhet një fshat modern dhe model i mirë i fshatit të organizuar dhe bashkëpunues. Gjatë të ardhmes kemi konfirmimin e kryetarit edhe për trajtimin e lumit dhe projekteve të tjera që e përfshijnë edhe fshatin tonë”, tha Fetahu.

Për këtë projekt dhe të tjerat investime që janë bërë deri tani, falënderim për Komunën pati edhe Avdi Aziri, i cili tha se asfaltimi i kësaj rruge ishte nevojë e fshatit dhe fatmirësisht planifikim i Komunës së Gjilanit dhe tashmë jemi në përmbyllje të të gjitha projekteve në infrastrukturën e fshatit.

“Është investuar në infrastrukturën nëntokësore, rrjet të kanalizimit dhe ujësjellësit, pastaj trotuarit, ndriçimit publik, rrugicave nëpër fshat dhe sot po përmbyllet edhe projekti i asfaltimit të rrugës kryesore”, ka thënë mes tjerash Avdi Aziri.

Ndryshe, kostoja totale e realizimit të këtij projekti është rreth 250 mijë euro.


Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)