06 Dhjetor 2022

Miratohet vendimi për shpronësim në Autostradën Vërmicë-Merdare

Prishtinë, 16 prill - Nën drejtimin e Kryeministrit Hashim Thaçi është mbajtur sot mbledhja e 120-të e Qeverisë së Republikës së Kosovës ku është miratuar vendimin për miratimin preliminar për shpronësim për Autostradën Vërmicë-Merdare, propozuar nga Ministria e Transportit dhe Postë-Telekomunikacionit .

“Shpronësimi është bërë në bazë të zgjedhjes më të mirë teknike e cila është përcaktuar duke iu referuar të dhënave në terren për Vërmicë, Zhur, Polisht, Vlashnje, Prizren, Hatmaxhë, Shpenadi, Beleshtë, Novakë, të komunës së Prizrenit, në gjatësi prej 27 km me sipërfaqe 239 hektar”, theksoi ministri Fatmir Limaj, duke shtuar se do të vazhdojë shpronësimi  nga Prizreni në Duhle deri në Besi.

Qeveria ka shqyrtuar dhe më pas ka miratuar vlerësimet e rreziqeve nga fatkeqësitë natyrore dhe fatkeqësitë tjera në nivel vendi të hartuara nga Ministria e Punëve të Brendshme 

Sipas ministrit Bajram Rexhepi vlerësimi i rreziqeve dhe hartimi i planeve për mbrojtje dhe shpëtim në Republikën e Kosovës bazohet në Ligjin për Fatkeqësitë Natyrore dhe Fatkeqësitë tjera. Me këtë identifikohen mundësitë dhe nevojat për parandalimin, zvogëlimin e rreziqeve, reagimin, rimëkëmbjen dhe evitimin e pasojave nga fatkeqësitë dhe katastrofat.

Po ashtu qeveria ka miratuar kërkesës buxhetore për 9 mujorin e vitit 2010 për Ministrinë e Integrimit Evropian. Fillimisht Qeveria për këtë qëllim ka ndarë 300 mijë euro.

Zëvendëskryeministri Hajredin Kuçi ka kërkuar nga kabineti Qeveritar që të bëhet plotësim-ndryshimi i  Strategjisë Legjislative për vitin 2010. Sipas z. Kuçi kjo kërkesë vjen si rezultat i themelimit të institucioneve të reja të Republikës së Kosovës dhe që lidhen me Raportin e Progresit për vitin 2010. 

Qeveri sot Ka miratuar Projektligjin për ndryshimin dhe plotësimin e Ligjit Nr. 02/L-123 për Shoqëritë Tregtare, sponzoruar nga Ministria e Tregtisë dhe Industrisë. Qëllimi i ndryshimit dhe plotësimit të Ligjit për Shoqëritë Tregtare është krijimi i kushteve që ky ligj të gjejë zbatueshmëri të plotë, dhe se ky projektligji është i harmonizuar me direktivat dhe legjislacionin e Bashkimit Evropian, ndërsa nuk do të ketë implikime buxhetore.

Qeveria ka ndarë 100 mijë euro për akomodimin e të kthyerve në fshatin Zallç të komunës së Istogut. 
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)