28 Nëntor 2021

Ministri Zemaj, vizitoi Postën e Kosovës

Prishtinë, 23 dhjetor - Postën e Kosovës sot e vizitoi Ministri i Shëndetësisë, Armend Zemaj, i cili u mirëprit nga  U.D. Kryeshefi Ekzekutiv, Xhevdet Smakiqi së bashku me Koordinatoren për ZMM anti COVID-19 në PK, Valbona Shala Thaqi dhe Drejtorin e Kontrollit të Brendshëm, Gazmend Isufi.

U.D. Kryeshefi Ekzekutiv, në emrin e tij dhe të gjithë punonjësve të Postës së Kosovës, falënderoi përzemërsisht Ministrin Zemaj për mbështetjen që i ka dhënë Postës së Kosovës në këtë kohë pandemie, që në krye të Ministrisë së Shëndetësisë dhe personelit shëndetësor po zhvillojnë luftë humane në frontin anti COVID-19, për shpëtimin e jetëve të qytetarëve të Kosovës.

Ai falënderoi mjekët dhe infermierët për kujdesin ndaj kolegëve tanë që u sfiduan dhe po sfidohen nga pandemia, si dhe për testimin e shumë punonjësve të ndërmarrjes tonë.

Ministri Armend Zemaj, përgëzoi U.D. Kryeshefin Smakiqi dhe Drejtorin Isufi për koordinimin dhe organizimin e Postës së Kosovës për zbatimin e masave mbrojtëse të marra nga Qeveria e Kosovës, përkatësisht Ministria e Shëndetësisë ndaj pandemisë COVID-19, si dhe inkurajoi që të vazhdohet në zbatimin e tyre për të ruajtur shëndetin e përgjithshëm, posaçërisht të punonjësve të ndërmarrjes që kanë qëndruan përball rrezikut çdo ditë krahas segmenteve të tjera vitale të shtetit në shërbim ndaj gjithë qytetarëve të Republikës së Kosovës.

U.D. Drejtoresha e DRNJAP-së, Valbona Shala Thaqi, në cilësinë e Koordinatores për Zbatimin e Masave Mbrojtëse kundër përhapjes së COVID-19, dhe Drejtori Isufi si bashkë koordinator i saj, paraqitën gjendjen aktuale shëndetësore të punonjësve në ndërmarrje, ndërsa falënderuan Ministrin Armend Zemaj për bashkëpunimin edhe me institucionet shëndetësore në kuadër të Ministrisë së Shëndetësisë për trajtimin e kolegëve tanë, ndërsa u zotuan se do të kryejnë me përkushtim këtë detyrë humane.

Gjatë këtij takimi, Ministri Zemaj dha premtimin që sapo të filloi vaksinimi në Kosovë, postierët dhe sportelistës e ndërmarrjes tonë që janë në rrezik të lartë për shkak të shërbimeve direkte ndaj klientëve të Postës, do të jenë në listën prioritare në rang me kategoritë e tjera të rëndësisë shtetërore.

Ndërsa për vaksinën sezonale, ai shprehi vullnetin e tij që ekipet shëndetësore të vijnë edhe në vendin e punës në zyra postare për vaksinonim të punonjësve tanë në shenj respekti ndaj tyre.

Në fund të takimit, U.D. Kryeshefi Ekzekutiv për kontributin e tij të çmuar të Ministrit Zemaj i dhuroi një ekzemplar të kornizuar me pulla postare, që Posta e Kosovës e ka lansuar për COVID-19.

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)